Эрүүл мэндийн яамны ээлжит хурлын үеэр ЭМЯ-ны ахлах шинжээч Д.Нарангэрэл "Голомтууд идэвхтэй халдварын тоо нэмэгдсээр байгаа нь аж ахуй нэгж байгууллагууд халдвар хамгааллын дэглэмийг дутуу сахих, хүний бөөгнөрөл үүсгэх, иргэд айлаар очих, нийлж элдэв арга хэмжээ зохион байгуулж байгаа нь өвчлөл нэмэгдэх шалтгаан болж байна.

Хоёр долоо хоногийн өмнө болсон жагсаал цуглаан халдвар нэмэгдэх эрсдэл болсон. Тиймээс иргэд хөдөлгөөний хязгаарлалтаа хийж, нэгнийдээ зочлохгүй байхыг зөвлөж байна. Мөн ажлын газар, гэр бүлийнхээ хүрээнд халдвар хамгааллын дэглэмээ сайн сахих хэрэгтэй. Хүмүүсийн хоорондын харилцааг цөөн байлгаж байж энэ өвчнийг даван гарна. Гэхдээ манай улсад хөдөлгөөний хязгаарлалт муу байгаа учраас цаашдаа 3, 4-дүгээр сард халдварын тоо нэмэгдэж, эрүүл мэндийн байгууллагууд ачааллаа дийлэхээ болих тархвар зүйн судалгаа байна. Тиймээс гэртээ байх зарчмыг баримталж, дархлаагаа дэмжиж хэрэгтэй. Ингэхдээ өөрт тохирсон хөдөлгөөн хийж, чанартай хоол унд идэх, эерэг байх хэрэгтэй" гэлээ. 

Б.Баатар