Худалдааны төвүүдээ шат дараатай нээнэ. Харин иргэд гэртээ бай! Ийм хачирхалтай шийдвэрийг УОК гаргаад байна. Тодруулбал, нийслэлийн хэмжээнд хоёрдугаар сарын 15-наас 597 гаруй хүнсний үйлдвэр, хоёрдугаар сарын 16-наас Баянгол дүүргийн Барс 1, 2, Таван-Эрдэнэ, Орхон зах, Хан-Уул дүүргийн Лавай, Яармаг зах, Сүхбаатар дүүрэг, Долоон буудлын Бүрэн плаза, Бүрд худалдааны төв, Их тойруу худалдааны төв, Баянзүрх дүүргийн Мөнх, Натур, Тэнгэр төвүүд, Сонгинохайрхан дүүргийн Өгөөж зэрэг нийт 49 зах, худалдааны төвөөс 24-ийг эхний ээлжид нээхээр болсон юм.

Цаашид зах, худалдааны төвийн үйл ажиллагааг шат дараатай нээхээр болж, хоёрдугаар сарын 17-нд худалдааны 10 төв, 18-нд дөрөв, 19-нд хоёр, 20-нд гурав, 23-нд нэг, 24-нд гурван зах худалдааны төвийг нээх хуваарийг УОК-оос тус тус  гаргаад байна.

Харин нийслэлийн хэмжээнд хоёрдугаар сарын 23-ныг хүртэлх хугацаанд иргэдээ хатуу хөл хорионд оруулчихаад байхад худалдааны төвүүдээр хэн үйлчлүүлэх юм бэ. Худалдаа эрхлэгчдээ дэмжих нь зүйн хэрэг ч ийм тооцоо судалгаагүй шийдвэр гаргаж байгаад иргэд гайхшаа бараад байна. Бүх нийтээр нь хатуу хөл хорионд хорьчихоод худалдаа эрхлэгчдээ дэмжинэ гээд худалдааны зах, төвүүдээ ээлж дараалан нээдэг ийм хачирхалтай шийдвэр гаргадаг УОК бас байна. 

У.Тэргэл