Манай улс маргаашаас коронавирусний дархлаажуулалтаа хийж эхэлнэ. Өнөөдөр эхний ээлжийн 150 мянган тун вакцин  орж ирсэн. Уг вакциныг 75 мянган хүнийг дархлаажуулах боломжтой талаар ХӨСҮТ-ийн Тандалт, судалгааны албаны дарга А.Амбасэлмаа хэлсэн. Тэрбээр  "Өнөөдөр манай улс хүлээн авсан 150 мянган тун вакцинийг нэг хүнд хоёр тун хийнэ гэж тооцоход 75 мянган хүнийг дархлаажуулах боломжтой. Эхний тунг хийснээс 21-28 хоногийн зайтай 2 дахь тунг хийнэ. Үүнээс хойш 14-өөс дээш хоногийн дараа дархлаа үүснэ гэсэн мэдээлэл бий.  Шинэ вакцин тул хүний биед хэр хугацаанд дархлаа тогтоох тухай судалгаа хийсээр байна" гэсэн юм. 

Тэгвэл "Зүрх мартахгүй" төслийн удирдагч, анагаах ухааны доктор Б.Болдсайхан эмч энэ талаар ийн өгүүлжээ. Тэрбээр "....орж ирж буй 250.000 вакцинийг 125.000 хүнд биш 250.000 хүнд хийх нь зөв. 1. эхнийхээр 70 хувиас дээш хувьд дархлаа тогтоно, 2. давтах гурван сарын хугацаанд хоёрдахь тун олж л таараа, 3. дараа нь өөр вакцинаар хоёрдахь тун хийж ч болно, бүр илүү, 4. Гурван сар хадгалах хөргөгч, агуулахын асуудал гайгүй болно хэмээн мэдээлжээ. 

Б.Баатар