Дуучин С.Сэрчмаа, “Никитон”-ы Б.Батчулуун нарын үйлдлийг эсэргүүцсэн “Капитрон” банк Б.Батчулуунтай хамтын ажиллагааны гэрээгээ цуцалсан бол 25 дугаар суваг телевиз дуучин С.Сэрчмаагийн нэвтрүүлгийг дахин гаргахгүй гэдгээ мэдэгдээд байгаа юм. 

Харин энэ үйлдэлдээ дуучин С.Сэрчмаа уучлал хүсчээ.  Тэрбээр "Ард түмнээсээ уучлал хүсч байна. Өглөөний мэнд. Хорионд орохын өмнө машиндаа олон цаг түгжирч явахдаа нэвтрүүлэгт орсон ахыгаа хүргэх гээд хамт явж байхдаа Бачка ахыг онигоо яриач гэсэн. Гэтэл ах онигоо ярьсныг тасдаж аваад сэвжээ. Лайв хийе гэдэг миний буруу.  Хувь хүнийхээ хувьд инээд муутай хүн утсаа барьж сууж байгаад юуг нь ч мэдэлгүй инээсэндээ бас уучлал хүсч байна. Цахим орчинд хэлэх үг, хийх хөдөлгөөнөө хянаж явахгүй бол ямар том алдаа гарах вэ гэдгийг энэ алдаан дээрээсээ ухамсарлаж ойлгож авлаа.

Та бүхнээсээ маш том уучлал хүсч байна. Миний утсан дээр "үхээч чи" хоёр охин чинь хүчиндүүлэг гэсэн олон хараал доромж, пэйж, группүүд дээр бас битүү ирж, байж суухад хэцүү байна. Бид унасан нэгнээ дэвсэлж хаядаг хүмүүс биш биз дээ. Энэ хэцүү цаг үед биеэ дархлаагаар инээгээд дэмжье гэсэн миний лайв бүх юм миний буруугаас боллоо. ,Би эх хүн ээж хүн. Юу гэж хүчирхийллийг дэмжих вэ хүмүүс минь.

Гэмт хэрэгтэн болсон юм шиг сэтгэгдэл төрж, шаналж, уйлж сууна. Нийгэмд болж байгаа өвчин зовлон эмэгтэйчүүд хүүхдүүдэд чадлаараа тусалж, уриалж дуудахсан гэж хүсдэг. Би хүнд тэгж тусаллаа гэж зарлаад байдаггүй ч чадлаараа туслахыг хичээж явдгийг миний найз нөхөд, урлагийн салбарынхан бүгд мэднэ. Твиттерт дуучин МУГЖ Т.Ариунаагийн нэрээр хаяг нээж, худал мэдээлэл сэвж, ард түмнийг улам хурцалсан байна. Цагдаагийн газар хэллээ гэж эгч дамжууллаа.

Зохиолч Шүүдэрцэцэг Бачка ахын ярьсан онигоог 13 настай охины нас барсан хэрэгтэй санаатай бодлогоор холбон бичиж биднийг гэмт хэрэгтэн мэтээр бусдад ойлгуулж байгаа нь маш харамсалтай.

Та бүхнээсээ хийсэн алдаагаа дахин давтахгүйг хичээж амьдаръя гэж хүсээд өөрийн контент болох 25 Тв дээр эрхлэн явуулдаг Nyambaa Sally нэвтрүүлгээ зогсоож байна" гэжээ.