УИХ-ын гишүүн Б.Пүрэвдорж согтуугаар 63-78 УНЦ улсын дугаартай “Ниссан теана” маркийн автомашин жолоодож яваад зам тээврийн ноцтой осол гаргасан билээ. Их хэмжээний согтолттой байсан тэрбээр ганцаараа явж байсан бөгөөд нүүрэндээ бага зэргийн гэмтэл авч, гэмтлийн эмнэлэгт хүргэгдсэн аж. Б.Пүрэвдорж гишүүний хувьд анхан шатны тусламж аваад гэртээ харьсан талаар эмч нар хэлж байна. Мөн түүний согтуугаар автомашин жолоодож, ноцтой осол гаргасан үйлдэлд нь ямар хариуцлага ногдуулахыг хуульд ийнхүү заажээ. Зөрчлийн тухай хуулиар бол, 400 мянган төгрөгөөр торгож, жолоодох эрхийг нь нэг жилээр хасах, харин тухайн жолооч өмнө нь энэ төрлийн зөрчил үйлдсэн буюу давтан зөрчил гаргасан тохиолдолд 7-30 хоногоор баривчлах шийтгэл ногдуулах хуулийн заалттай юм байна.

У.Тэргэл