Ерөнхийлөгчийн сунгаа болоход сар гаруйн хугацаа үлдлээ. Ирэх долоо хоногт парламентад суудалтай намууд нэр дэвшигчээ зарлаж, сонгуулийн сурталчилгаагаа эхлүүлнэ. Энэ удаагийн сонгуульд парламентад суудалтай МАН, АН, МАХН, ХҮН-ээс нэр дэвшүүлэх эрхтэй.

МАН, МАХН-ын хувьд нэг зорилгын дор нэгдэж, сонгуулиар хамтарч ажиллахаа илэрхийллээ. Өмнө нь намын түүхт 100 жилийн ойгоо хамтарч тэмдэглэх үеэрээ хоёр нам нэгдэхээ мэдэгдэж байсан билээ. Тэгвэл өчигдөр ТВ9 телевизийн “МАН, МАХН: Нэг зорилго, нэг бодлого” хэлэлцүүлэгт үеэр нэгдэх үе шат ахицтай явж байгаа бөгөөд цаашид нэг зорилго, бодлогын дор улс төрийн намыг илүү мэргэшсэн, хүчирхэг болгохын төлөө ажиллахаа мэдэгдэв. Дээрхээс үзвэл Ерөнхийлөгяийн сонгуулиас өмнө нэгдэж магадгүй байна. Учир нь МАН-ын Ерөнхий нарийн бичгийн дарга Д.Амарбаясгалан нам нэгдэх процесс амжилттай явж байгаа бөгөөд энэ ажлаа ажил хэрэг болгох асуудлыг ажлыг ойрын өдрүүдэд эхлүүлнэ гэсэн юм.

Тэрбээр Хоёр намын зүгээс хамтын ажиллагааны гэрээгээ байгуулж, намын их, бага хурлаа хийнэ. Улс төрийн намын хариуцлагатай байж олон нийтийн дунд итгэл даах хэмжээнд хүрнэ гэдэг маш их чансаа сорьсон үйл хэрэг. Ялангуяа хөгжиж байгаа улсад иргэдийн амьдрал, амьжиргааны түвшин байгаа энэ үед мэдээж хэрэг буруутан төрийн эрхийг барьж байгаа улс төрийн намуудад оногддог. Гэхдээ энэ болохгүй байна гэхээс илүү 30 жилийн өмнө сонгосон пардаментын ардчиллаа илүү бэхжүүлэх, тэр дундаа улс төрийн намуудын хөгжил төлөвшлийг хурдан хугацаанд бий болгохын төлөө ажиллах ёстой” гэлээ.

Харин МАХН-ын дарга Н.Энхбаяр хоёр нам нэгдэж, улс төрийн намыг илүү хариуцлагатай, чансаатай болгохоос гадна нийгэд тулгамдаж байгаа асуудлыг шинжлэх ухаанчаар нэг бодлого, нэгдсэн зорилгоор хамтарч ажиллах ёстой гэсэн байр суурь илэрхийлсэн бол МАХН-ын Ерөнхий нарийн бичгийн дарга М.Тулгат “Хоёр намын гишүүдийн шийдвэрийг баталгаажуулах ажил явагдаж байна. Улсын хэмжээнд хоёр намын анхан болон дунд шатны намын шийдвэр гарч төв нам дээр ирсэн. Энэ долоо хоногт багтаж хурлаа хийнэ. Хурлын үеэр гэрээгээ баталгаажуулах, цаашид нэг процесс явна” гэв. 

Б.Лхам