АН-ын гишүүд Төв талбайд өлсгөлөн зарлаж байна.

УИХ-ын гишүүн Н.Алтанхуяг "Иргэд нэр дэвших, өрсөлдөх эрхтэй. Зөвхөн АН-ынхан нэр дэвших гээд байгаа юм биш. 1990 оноос олж авсан эрхээ ингэж тасдуулж болохгүй юм. Н.Алтанхуяг гэдэг хүнийг заавал нэр дэвшүүлнэ гэсэн зүйл байхгүй. Харин намаас нэр дэвшүүлсэн хүнийг нэр дэвшүүлнэ. Иргэд сонголтоо хийх юм.

АН хоёр хуваагдсан зүйл байхгүй. Нэг л нам шүү дээ. Парламентын 13 гишүүн энд байна шүү дээ. Монголууд эрх, эрх чөлөөгөө эдлэх үү гэдэг л асуудал энд яригдаж байна. Намайг сонгуульд гаргахгүй гээд намаас С.Эрдэнэ хасчихсан юм. Би 30 жил АН-ын гишүүн явсан. Намайг энэ намын гишүүн биш гэж хэн ч хэлэхгүй байх.

Зургаан жил намын даргаар ажиллаад 5 удаа ялалт байгуулж байсан.

Үндсэн хууль баталсан. Үндсэн хууль бол төр засгийн эрх мэдлийг хуваарилахад хэрэгтэй гээд Ерөнхийлөгчийн шүүх эрх мэдлийг хянаж байсан эрхээсээ татгалзаад гарын үсэг зурсан хүн нь Х.Баттулга. Гэтэл энэ хүнийг нэр дэвшүүлэхгүй гэж ямар үйлдэл хийв. Үндсэн хуулийн цэцийнхээ гишүүнийг сольж байгаад хуралдуулсан. Энэ шударга юм уу. Дахин нэр дэвших эрхтэй гэж байсан шүү дээ. Тухайн үед тэгж хэлж байсан.

МАН хуулийг өөрсдөдөө ашигтайгаар үйлдэж, тайлбарлаж байна.

Үүний эсрэг сөрөн зогсож чадах хүн бол АН. Цаана намын гишүүд, иргэд байна. МАН-ын даргатай өрсөлдөж чадах хүн хаанаас гарах вэ. АН-аас гарна. Тиймээс АН-ыг хооронд нь хагалган бутаргах гэж хичээж байна. АН сонгуульд нэр дэвших эсэхээс үл хамааран Монголчууд ардчилалгүй болж байгаа нь гол асуудал" гэлээ. 

Б.Лхам