Сонгуулийн ерөнхий хороо Ерөнхийлөгчийн сонгуульд нэр дэвшихээр намаасаа сонгогдсон АН-ын хоёр хүний материалыг хүлээж аваагүй. Тиймээс О.Цогтгэрэл даргатай АН-ын гишүүд өлсгөлөн зарлахаа мэдэгдсэн билээ. Энэ дагуу  тэд Сүхбаатарын талбайд өлсгөлөнгөө эхлүүлсэн бөгөөд сэтгүүлчдэд мэдээлэл хийх үеэр цагдаагийн алба хаагчид ирж, УИХ-ын гишүүн Ц.Тувааны биед халдан, тэдний хооронд үл ойлголцол үүсчээ.

Цагдаагийн алба хаагчид “Талбай руу гэр, майхан оруулж болохгүй. Яагаад гэдэгт бид тайлбар хийхгүй” хэмээсэн бөгөөд УИХ-ын гишүүн Ц.Тувааныг талбайгаас чирч гаргахыг завдсан тул ийнхүү сөргөлдсөн байна. Яг одоо Сүхбаатарын талбайг тойруулан цагдаа нар эгнэн жагсч, хүчилсэн хамгаалалтад аваад байна.

У.Тэргэл