Цагаан самар, Алибабаг "таниагүй" Шударга өрсөлдөөн хэрэглэгчийн төлөө газрын дарга Б.Бат-Эрдэнэ олны шүүмжлэлд өртөв. Тэрбээр хүнсний дэлгүүр, ТҮЦ-нд шалгалт хийх үеэрээ дээрх бүтээгдэхүүнийг "таниагүй" аж. Тодруулбал Б.Бат-Эрдэнэ цагаан самар, алибабаг барьж үзчихээд "Энэ хоёр бүтээгдэхүүнийг хүүхдэд өгч болох уу, хүүхдүүд энэ мэт зүйлсээс болоод асуудалд ороод байна. Жилдээ 80 гаруй мянган хүүхэд хоол боловсруулах тогтолцооны өвчнөөр өвчилдөг. Та нар үүнийг ямар зөвшөөрлөөр худалддаг юм бэ. Хүнсний аюулгүй байдлын тухай хуулиар бараа бүтээгдхүүний тайлбар монгол хэлээр байх ёстой" гэсэн нь шүүмжлэл дагуулсан юм. 

Харин энэ бүхний хариуд тэрбээр "Тэгээд яая гэж бодож байна. Эрүүл хортой нь мэдэгдэхгүй хүнсээр хүүхдүүдээ хордуулаад байя гэж байгаа юм уу. 30 жилийн хугацаанд чихэр байтугай улс өөрчлөгдөж байна. Би үхээгүй байна гээд хүүхдүүдээ хооллох нь зөв юм уу. Өө тийн бид гацхан ТҮЦ гээд байгаа дэлгүүрээр чинь ороогүй. Зах худалдааны төв, Имарт гээд хэд хэдэн газраар явсан. Удахгүй гарахаар нь үзээрэй. Та нар ийм бодолтой байхад хэзээ ч хүүхдээ зөв хүнсээр хооллож тэжээж чадахгүй" гэжээ. 

Цагаан самар, Алибабаг "таниагүй" Шударга өрсөлдөөн хэрэглэгчийн төлөө газрын дарга Б.Бат-Эрдэнийн талаар бичсэн олон нийтийн сэтгэгдлийг хүргэж байна. 

Б.Баатар