Энэ үгийг вакцин хийлгэхээс татгалзаж, хойш суусаар байгаа хүмүүст дайж хэлмээр санагдана. Коронавирусний халдварын тохиолдол өдөрт 2000-аас буухгүй болж, өдөрт арав гаруй хүн нас барж буй эмгэнэлт мэдээтэй бид өдөр хоногийг өнгөрүүлж байна. Харамсалтай нь, нас барсан иргэд вакцины бүрэн тундаа хамрагдаагүй байгаа нь анхаарал татаж буй юм. ЭМЯ-наас вакцины тундаа хамрагдаж байж дархлаа тогтоно. Эрсдэлээс сэргийлнэ гэдгийг байнга сануулсаар байгаа ч иргэд тоомжиргүй зангаасаа болж хойш суусаар байгаа нь ийнхүү эрсдэлд орох нөхцөл болж байна. Тодруулбал, 518 хүн нас барсны 204 нь нэгдүгээр тунтай, 295 вакцинаа огт хийлгээгүй байжээ. Сүүлийн долоо хоногт гэхэд л 82 хүн халдварын улмаас амиа алдсан бөгөөд тэд мөн л вакцины бүрэн тундаа хамрагдаагүй байсан аж.

Сүргийн дархлаа тогтоохын тулд иргэд бүрэн тундаа хамрагдах ёстой бөгөөд хамрагдаагүй иргэд бусдадаа ч эрсдэл учруулж байгааг сайтар ухаарах хэрэгтэй байгааг ЭМЯ-наас сануулж байна. Тиймээс өөрийн болоод өрөөлийн амь насны төлөө вакцинаа хийлгээч, гуйя!