Өвлийн улиралд халтиргаа гулгаа үүссэн үед тээврийн хэрэгслийн дугуйн барьцалдах чадварыг нэмэгдүүлж, аюулгүй байдлыг хангах зорилгоор цас орсны дараа байнга мөстөж, халтиргаа гулгаа ихээр үүсдэг авто замын уулзвар, өгсүүр хэсэг, нийтийн тээврийн автобусны буудлын талбайд халтиргаанаас хамгаалах өнгөт хучилтыг 2017-2020 онд нийт 10926,5 мкв талбайд буюу 12 уулзвар, 24 автобусны буудалд хийжээ.

2021 онд нийт 6570 мкв талбайд буюу дөрвөн уулзвар 16 автобусны буудалд хийхээр төлөвлөжээ. 

Тэгвэл энэ сарын 5-ны өдрөөс эхлэн нийт 16 байршлын автобусны буудал, хоёр уулзварын өгсөх хэсэгт халтиргаанаас хамгаалах өнгөт хучилтыг хийсэн байна. Тодруулбал,

Автобусны буудал:

Баянзүрх дүүргийн /хойд урд буудал/

Кино үйлдвэр /хойд урд/

Төв номын сан /баруун зүүн/

Оргил худалдааны /төв баруун зүүн/

32 дугаар байр /хойд урд/

Хархорин /хойд урд/,

Цамбагарав /хойд урд/

Тэнгис кино театр /хойд урд/

Уулзвар

ЭХЭМҮТ-ийн уулзварын өгсөх хэсэг

ХААИС-ийн уулзварын өгсөх хэсэг

Цаашид Энх тайвны гүүрний өгсөх хэсэг болон Нарны гүүрний өгсөх хэсгийн халтиргаа гулгаа ихээр үүсдэг уулзвар замд халтиргаанаас хамгаалах өнгөт хучилтыг хийхээр төлөвлөж байна.