РЦНК-ийн урд талын ногоон байгууламж сүйтгэж буй асуудлаар оршин суугчдийн төлөөлөл мэдээлэл хийж байна.

Тэрбээр "Яагаад нэг компаниас нөгөө компани руу шилжүүлсэн, авсан компани нь татвараа төлдөг үү, эзэн нь Хятад хүн үү гэдгийг хууль хяналтын байгууллага шалгах байх. Хүн амын бүртгэлд бүртгэл байхгүй компанид барилгын зөвшөөрөл олгосон. н.Нацагдорж гэдэг хүн Улаанбаатар хотын газрыг зарж, үрэн таран хийж байна. Алаг дарам ногоон газарт барилга барих зөвшөөрлийг н.Нацагдорж өгсөн байна. Усан паркийн зөвшөөрлийг мөн л энэ хүн өгсөн. Хотын дарга Д.Сумъяабазар энэ хүнд яагаад хариуцлага тооцохгүй байгаа юм бэ. Газрын наймаачдыг яагаад хууль хяналтын байгууллага шалгахгүй байгаа юм. Үүнээс шалгалт Улаанбаатар хотын алаг дарам ногоон байгууламжийг сүйтгээд байна хэмээн оршин суугчид гомдол гаргаж байна.

Долоодугаар сарын 22-нд барилга барих зөвшөөрлийг өгчихсөн. Гэтэл үүнээс өмнө Хотын дарга энэ газар барилга барихгүй хэмээн тушаал шийдвэр гаргаад, ярилцлага хүртэл өгсөн байна. Яагаад хариуцлага тооцохгүй байгаа юм бэ. Уг компани сүйтгэсэн модныхоо хураамжийг захирагчийн ажлын албанд тушаасан гэж байгаа юм. Гэтэл өнөөдөр иргэн бүр мод таръя гээд үндэсний хөдөлгөөн явж байна.

Газар шорооны ажил нь явагдаж байхад 1111 төв болон холбогдох газруудад холбогдсон. Гэсэн ч тоосонгүй. Энд барилга барих нь маш олон хууль зөрчиж байгаа. Бидний тавьж буй шаардлага бол энгийн. Үүнийг эргээд ногоон байгууламж болгоод өг гэж байгаа юм. Оршин суугчид нь нийлээд энэ газрыг ногоон байгууламж болгох саналтай байна” гэв.

Д.Батчулуун