УБТЗ-ын Удирдах газарт тус байгууллагаас ачаа тээврийн нөхцөл байдлын талаар мэдээлж байна. Энэ үеэр Улаанбаатар төмөр замын тээвэр хариуцсан замын орлогч дарга н.Амарбаясгалан мэдээлэл өглөө.

Тэрбээр “Улаанбаатар төмөр зам нийт 84 өртөө зөрлөгтэй. Үүнээс 39 өртөө зөрлөг нь ачилт буулгалт хийдэг. Найман өртөө нв чингэлэг тээвэрт нээлттэй. Бид цар тахлын өнгөрсөн жилүүдэд чингэлгийн хуримтлал үүссэн. Үүнийг бууруулж, татан авах ажилд Улаанбаатар төмөр зам идэвхтэй оролцож байна.

Цар тахал эхлэхээс өмнө Зам-Үүд өртөөнөөс хоногт хоёр чингэлгийн галт тэрэг хүлээж авч байсан. Энэ оны гуравдугаар сараас эхлээд таваас зургаан чингэлгийн галт тэрэг хүлээн авч байна. Энэ нь 250-300 орчим чингэлэг гэсэн үг. Үүнээс болоод чингэлгийн хуримтлал үүссэн.

Дамжин өнгөрөх чингэлгийн галт тэрэг 2022 онд бууралттай байгаа. Учир нь Монгол руу орж ирж байгаа импортын ачааг түлхүү хүлээж авахын тулд транзит чингэлгийг бууруулсан. Экспортод гарч байгаа хоосон чингэлгийг хүлээлгэн өгөхийн тулд ОХУ-с явж буй дамжин өнгөрөг чингэлгийн ачааг бууруулсан.

Улаанбаатарт 14 терминал байгаа. Үүнээс 12 нь гаалийн хяналтын бүс. Үлдсэн хоёр нь гаалийн терминал бүс биш байгаа.

Наадмын үеэр ачаа олголт явагдаагүй. Үүнээс болоод маш их хэмжээний ачаа хуримтлагдсан. Ирсэн ачаагаа хүмүүс нь ирж авдаггүй. Утсаар ярихаар зээл бүтэхээр очиж авна гэдэг. Зарим нь утсаа авдаггүй. Талбай дээр байгаа ачаагаа гаалийн хяналт хийлгээд аваарай хэмээн уриалмаар байна.

Өнгөрсөн жил 14-15 галт тэрэг хүлээлгэн өгдөг байсан бол одоо 10 галт тэрэг өгч байгаа. Үүнээс экспортын ачаа тээвэрлэх хоёр хоосон чингэлгийг Хятадууд хүлээн авч байгаа. Тиймээс хоосон чингэлгийн хуримтлал бий болж байна.

Зайлшгүй ажиллах үүргээ бид гүйцэтгэн ажиллаж байна. Мөн бусад бүх газрууд бидэнд дэмжлэг туслалцаа үзүүлж байна” гэв.

Д.Батчулуун