Арчилсан намын  4/11 мэдээллийн хөтөлбөр боллоо. Энэ үеэр Ардчилсан залуучуудын холбооны тэргүүн Н.Болдбаатар мэдээлэл өглөө. 

Тэрбээр “Есдүгээр сарын 27-ны өдөр Ардчилсан залуучуудын холбоо Ерөнхий сайд Л.Оюун-Эрдэнэд шаардлага хүргүүлсэн. Энэ засгийн газарт хүний эрхийн мэдрэмжгүй сайдууд ар араасаа гарч байна. Бид гурван шаардлага тавьсан.

• Нэгдүгээрт, Ерөнхий сайд ард түмнээсээ уучлалт гуйх ёстой.
• Хоёрдугаарт, Хөдөлмөр нийгмийн хамгааллын сайдыг огцруулах.
• Гуравдугаарт, Засгийн газрын нэг гишүүн учир засгийн газар бүрэн бүрэлдэхүүнээрээ огцор гэсэн гурван шаардлагыг тавьсан. Үүний дараа Хөдөлмөр нийгмийн хамгааллын сайд огцорсон. Үүнийг бид хариуцлага тооцчихлоо гэж бодсон.

Гэтэл үүний зэрэгцээ "өлөн" гэх үг гарч ирсэн. Үүнд сангийн сайд хариуцлага хүлээж, огцрох хэрэгтэй. 21 сайд буюу төрийн данхар бүтэц бий болсон байна. Нийгэм тэр чигээрээ ядуурсан байна. Иргэдийн цалин хөлс нэмэгдээгүй зэрэг олон асуудал байна.

101 жил Ардын нам төр барьсан. Ардчилсан нийгэм болсноос хойш 22 жилд нь төр барьсан. Сүүлийн зургаан жил ард түмний амьдралыг сайжруулна гэж төрийн толгойд гарсан. Халамж болтол нь ард түмнийг доройтуулсан засгийн газар, төрийн эрх мэдэлт нам өөрөө хариуцлага хүлээх ёстой. Тиймээс Ерөнхий сайдад шаардлага хүргүүлсэн. Нялх биетэй эмэгтэйн асуудалд Ерөнхий сайд бүрэн бүрэлдэхүүнээрээ огцорсон.

Харин үндсэн хуулийн хэд хэдэн заалт зөрчсөн УИХ-ын гишүүн Д.Сарангэрэлийг гишүүн хэвээр үлдээх юм уу. Мөн сангийн сайд үндсэн хуулийг зөрчсөн. Энэ мэтчилэн сайд нар нь үндсэн хуулийг зөрчиж байна.

Үндсэн хууль руу хандсан үйлдлүүд удаа дараа гарч буй учир засгийн газар бүрэн бүрэлдэхүүнээрээ огцрох шаардлыг 72 цагийн хугацаатай өгсөн. Тиймээс 72 цагийн дотор хариу өгөх ёстой. Одоо бол 48 цаг болсон байна. Маргааш энэ шаардлагын хариуг нэхэж төрийн ордны баруун талд жагсана” гэв.

Д.Батчулуун