Дарханы төмөрлөгийн үйлдвэрийг Д.Эрдэнэбилэг дахин авахаар болж буй талаар төмөрлөгийн үйлдвэрийн ажилчид мэдээлэл хийлээ. Энэ үеэр ажилчдын зүгээс "Кью Эс Си" компанийн хууль бус үйлдлийн талаар мэдээллэв.

Дарханы төмөрлөгийн үйлдвэрийн Үйлдвэрчний эвлэлийн хороон дарга Ц.Сувдгэрэл: 2014 онд концессын гэрээгээр ажилласнаас хойш ажилчдын цалин болоод бусад нийгмийн асуудлууд шийдэгдээгүй. Тухайн үед удирдлагууд дундаж цалинг 2.5 саяд хүргэж, нийгмийн асуудлыг шийдвэрлэнэ хэмээн амласан. Гэвч үүнээс хойш найман жил өнгөрсөн байна. Энэ хугацаанд манай ажилчдын цалин 3-4 дахин буурсан. Учир нь 2013 онд үйлдвэрлэлийн хэмжээг сард 5800-6500 хийж байсан. Харин 2016 оноос хойш төрийн өмч болох хүртэл сард 1100 хийсэн.

“Кью Эс Си” ХХК найман жил концессын гэрээг биелүүлээгүй, ажилчдын нийгмийн асуудлыг шийдээгүй, цалинг салбарын уул уурхайн хэмжээнд хүргээгүй ажилчдын эрх ашгийг хохироосоор байсан “Кью Эс Си” компанид дахиж ажилчдын эрх ашгийг хохироох боломж битгий өгөөч” гэв.

Бид сарын болон жилийн үр дүнгийн шагналт цалинг тогтмол авдаг байсан. Гэтэл 2019 оноос хойш ашиггүй ажилласан гэх шалтгаанаар жилийн үр дүнгийн шагналт цалинг авч чадаагүй.

Харин ажилчид гарын үсэг цуглуулж, 6-8 сар хөөцөлдөж байж цалингаа нэмүүлж байсан. Гэвч тогтмол цалинтай ажилчдын цалин нэмэгдэж, баялаг бүтээдэг, үндсэн үйлдвэрлэлийн ажилчдын цалин төдийлөн өсөөгүй. 2016 оны нэгдүгээр сарын 1-нээс тавдугаар сарын 20 хүртэл ажилчдыг хууль бус чөлөөний хуудас нэрийдлээр ажилчдыг хүчээр гарын үсэг зуруулж цалингүй сул зогсоосон" гэв.

М.Сүхэхэй