Улаанбаатар хотын автомашины түгжрэл, зах, худалдааны төвүүдийн төвлөрлийг сааруулахад чухал нөлөө үзүүлэх “Хайрхан нэгдсэн худалдааны төв”-ийг “Нью Фоос”, “Амэ Интернэшнл ХХК хамтран Сонгинохайрхан дүүргийн 32 дугаар хороонд өөрийн 28 га талбайд хэрэгжүүлэхээр болжээ. Тус бүтээн байгуулалтыг нийслэлээс бодлогын түвшинд дэмжин ажиллах бөгөөд хөрөнгө оруулалтыг аж ахуйн нэгжүүд гаргаж буй юм. Тэгвэл тус худалдааны төвийн шав тавих ёслол өчигдөр боллоо.

Энэ үеэр Нийслэлийн Засаг дарга бөгөөд Улаанбаатар хотын Захирагч Д.Сумъяабазар:Сонгинохайрхан уулын бэлд олон улсын түншлэлийн хүрээнд хувийн хэвшлийн оролцоотойгоор “Хайрхан нэгдсэн худалдааны төв” олон улсын стандартад нийцсэн зах, худалдааны төвийг барих бүтээн байгуулалтын ажлыг эхлүүлж буй хувийн хэвшлийн удирдлагууд, үндэсний компаниудад талархал илэрхийлье. Судалгаанаас үзэхэд зах, худалдааны төвийн чиглэлд түгжрэл, бөөгнөрөл их хэмжээгээр үүсдэг. Хөдөө орон нутгаас ирж байгаа иргэд “Нарантуул” олон улсын худалдааны төв, “Өгөөмөр” болон “Дүнжингарав” захуудаар үйлчлүүлж, ачаалал эрс нэмэгддэг. Зах худалдааны төвүүдийг үе шаттайгаар хотын төвөөс гаргах ажил эхэлж байна гэж ойлгох хэрэгтэй. Хотын төвд хүүхэд, залуучуудын чөлөөт цагаа зөв боловсон өнгөрүүлэх эрүүл, аюулгүй орчныг бүрдүүлэх ёстой. Мөн шинэ нисэх онгоцны буудлыг түшиглэсэн дагуул хотын бүтээн байгуулалтад олон улсын стандартад нийцсэн зах, худалдааны төвүүд, тээвэр ложистикийн төвүүдийг байгуулах үүргийг Ерөнхий сайд өгсөн. Энэ тал дээр Хотын даргын зүгээс Монгол Улсын сайд, Нийслэл Улаанбаатар хотын авто замын түгжрэлийг бууруулах үндэсний хорооны дарга Ж.Сүхбаатартай уялдаа холбоо хангаж ажиллах, Улаанбаатар хотын хөгжлийн бодлого эрхэлсэн түр хорооны гишүүдтэй хамтарч ажиллаж байна. Дагуул хотыг олон улсын стандартад нийцсэн, төвлөрлийг сааруулж, түгжрэлийг бууруулах томоохон ахиц гаргах шийдэл гэж харж байна хэмээн өгүүллээ.

Дараа нь “Нью фоос” ХХК-ийн гүйцэтгэх захирал Б.Эрдэнэбаатар “Тус худалдааны төвийг 2023 оны дөрөвдүгээр улиралд ашиглалтад оруулах төлөвлөгөөтэй ажиллаж байна. Ирэх хавраас барилга байгууламжийн бүтээн байгуулалт эхэлнэ. Худалдааны төвд өргөн хэрэглээний болон гэр ахуйн худалдааны төв А, Б блокт байрлана. Барилгын материал, авто сэлбэг, том хэмжээний агуулах худалдааны төлөвлөлтийг мөн хийсэн. Түүнчлэн 620 ажлын байр шинээр бий болох давуу талтай. Худалдааны төв ашиглалтад орсноор баруун болон урд зүгийн 16 аймаг, 256 сумын иргэд үйлчлүүлнэ гэж тооцож байгаа. Ингэснээр түгжрэл бууруулах, төвлөрлийг сааруулахад сайн нөлөө үзүүлэх юм. Нийт 28 орчим тэрбум төгрөгийн хөрөнгө оруулалт шаардлагатай байгаа” гэлээ. Монгол Улсын нийслэл Улаанбаатар хот нь гурван зууны тэртээгээс үүсэн бий болж өдгөө нэг саяас дээш хүн амтай дэлхийн 116 дахь хот болоод 18  жилийг үджээ. Нүүдэлчин монголчууд хөгжлийн жамаар суурин иргэншил рүү хурдацтай шилжих үйл явц өрнөж, үүнийг дагасан бүхий л асуудал нь Хотын нийт иргэд, төрийн захиргааны байгууллагууд, цаашлаад Монгол Улсын Засгийн газрын нэн тулгамдсан асуудлуудын нэг болж ирэв.  

Хотын хэт төвлөрөл, автозамын түгжрэлийг хэрхэн даван туулах, хүндрэлийг хэрхэн багасгах вэ гэдэг ТОМ АСУУДАЛД Засгийн газар, төрийн захиргааны байгууллагуудаас гадна иргэд, аж ахуйн нэгж байгууллагууд шийдэл гарц хайж,  санал санаачлагууд  гаргаж байгааг та бид мэднэ. Хамгийн чухал нь үүнийгээ  бодит ажил болгож хэрэгжүүлэх нь зайлшгүй шаардлагатай юм. 

Хамгийн чухал асуудал бол НИЙСЛЭЛ хот дөрвөн зүг, найман зовхист 21 аймаг 330 сумтай холбогддог. Орон нутгийн иргэд үйлчлүүлэх, тэднийг хэрэгцээт бараа материалаар хангах томоохон зах, худалдааны төвүүд болох авто машины сэлбэг худалдаа, засвар үйлчилгээний “Да хүрээ”, “Өгөөмөр”, барилгын материалын “Зуун айл”, хүнс, барааны “Нарантуул”, “Дүнжингарав” захууд нь Нийслэлийн  зүүн хэсэгт төвлөрсөн байдаг.  Гэтэл нийслэлээс баруун зүгт 16 аймаг 260 сумын  хотын төв рүү орох, гарах чиглэл нь  ГАНЦХАН ЗАМ-аар зорчиж байгаа нь түгжрэлд бодит нөлөөг үзүүлж байна. Энэ шалтгааны улмаас орон нутгийн иргэд байгууллагуудад хүрэх бараа, материалийн тээвэр нь өдөр бүр ИХ ХОТ-ыг хөндлөн туулж, хотын нийт иргэдэд ихээхэн хүндрэл учруулж, түгжрэлийн суурь болсоор байгаа юм. Иймд замын түгжрэл, зах худалдааны төвүүдийн төвлөрөлийг сааруулахад эерэг нөлөөлөл үзүүлэхээр  манай “ХАЙРХАН НЭГДСЭН ХУДАЛДААНЫ ТӨВ” төсөл хэрэгжиж эхэллээ. Шинэ захын шав тавих ёслол өчигдөр болсон юм. 

Улаанбаатар хотын баруун хэсэгт байгуулагдаж буй “ХАЙРХАН НЭГДСЭН ХУДАЛДААНЫ ТӨВ” төсөл нь өөрийн компанийн  эзэмшлийн 34.8 га газарт хэрэгжсэнээр орон нутгийн бараа, тээвэр үр ашигтэй явагдаж, хотын оршин суугчдын амьдралын хэмнэлд сөргөөр нөлөөлж буй авто замын хөдөлгөөний түгжрэл бодитоор багасах сайн талтай. 

“Хайрхан нэгдсэн худалдааны төв” төсөл нь нийт 27.000 мкв талбай бүхий барилга байгууламж байхаар төлөвлөгдсөн бөгөөд хүнсний болон бүх төрлийн бараа, барилгын материал, авто сэлбэг худалдаа, засвараас гадна бүх төрлийн үйлчилгээ бүрэн төвлөрч байгаагаараа онцлог юм байна. 

 “ХАЙРХАН НЭГДСЭН ХУДАЛДААНЫ ТӨВ”-ийн төмөр замын ачих буулгах талбайд 18 вагон зогсож худалдаа эрхлэгчдэд  үйлчилнэ. Мөн манай төв  нь том автомашины 300 зогсоолоос гадна 1200 автомашины ил, 280 автомашины дулаан зогсоолоор иргэдэд жилийн дөрвөн  улиралд тав тухтай үйлчлэх нөхцлийг бүрдүүлж ажиллана.  Түүнчлэн нийт газрынхаа 50 хувьд ногоон байгууламж байгуулснаар Монголын ХАМГИЙН ТОМ НОГООН БАЙГУУЛАМЖТАЙ анхны худалдааны төв болохыг тэмдэглэе. 

А.Сүх