Уншигч та бүхэнд энэ долоо хоногт болж өнгөрсөн томоохон мэдээллүүдийг түүвэрлэн хүргэж байна. Энэ долоо хоногт олон удаа хойшилсон "Чингис хаан" музей нээлтээ хийлээ. Мөн нээлтийн үеэр Хазуко Монголдоо иржээ. Энэхүү долоо хоногт Монгол Улсын тамирчид олон улсын тэмцээнүүдэд маш аамжилттай оролцож, Монголчууд спортоор амьсгалсан долоо хоног байв.
"Чингис хаан" хаад язгууртны музей нээлтээ хийв
Их эзэн Чингис хаан мэндэлсний 860 жилийн ой энэ жил тохиож буй. Энэхүү түүхэн тэгш ойг тохиолдуулан "Чингис хаан" хаад язгууртны музей нээлтээ хийлээ."Чингис хаан" музей нь анхны төрт улс байгуулагдсан Хүннүгийн үеэс эхлэн Их Монгол Улс, Их Юань улс, Чингис хааны угсааны хаад язгууртнуудын түүхийг харуулж, 20 дугаар зууны эхэн үе буюу 1911 онд Чингисийн угсааны алтан ургийн ноёд өнөөгийн Монгол Улсыг бидэнд хэрхэн үлдээсэн тухай түүхийг бүрэн цогцоор нь харуулжээ. Уншигч та бүхэн музейн тухай сонирхолтой 24 баримтыг эндээс уншина уу.
-Хакухо Монголдоо ирэв-
Японы мэргэжлийн сумогийн 69 дэх их аварга, Монгол улсын Хөдөлмөрийн баатар, гавьяат тамирчин М.Даваажаргал эх орондоо иржээ. Тэрбээр дөнгөж сая Төрийн ордонд, Монгол Улсын Ерөнхий сайд Л.Оюун-Эрдэнэтэй уулзахаар орлоо.
М.Даваажаргал нь, 2000 онд анх Япон Улсад очиж 2001 оноос барилдсаар 2007 онд 22 насандаа Монголоос очиж барилдсан хоёр дахь, гадаадын дөрөв дэх ёкозүна болсон түүхтэй.
-Өмнөговь аймагт ШУТИС-ийн харьяа технологийн дээд сургууль нээлтээ хийлээ-
Монгол Улсын Засгийн Газар ШУТИС-ийн харьяа сургуулийг сургалт-эрдэм шинжилгээ-үйлдвэрлэлийн цогцолбор хэлбэрээр Өмнөговь аймагт байгуулахаар шийдвэрлэсэн. Тус сургуулийн албан ёсны нээлт боллоо. Энэ хичээлийн жилд тус сургууль
- Уул уурхайн ашиглалтын технологи
- Мэдээллийн технологи
- Газрын тосны инженер
- Цахилгааны инженер гэсэн 4 мэргэжлээр 120 оюутан элсүүлсэн байна.
-НӨАТ-ын сугалаагаар 36,499 азтан тодорчээ-
НӨАТ-ын сугалааны тохирол шинэчилсэн хувилбараар явагдлаа. Сугалаанд иргэдийн 2022 оны есдүгээр сарын 1-30-ны хооронд худалдан авалт хийсэн төлбөрийн баримтуудыг оруулсан болохыг Татварын байгууллагаас мэдээлээд буй. Улсын хэмжээнд есдүгээр сарын 36,738,824 баримт системд бүртгэгдсэн байна. Системд бүртгүүлсэн 36,738,824 баримтаас 36,499 баримт орон таарч, азтан болов. Өнөөдрийн тохирлоор Улаанбаатар хотоос хамгийн олон буюу 30,393 азтан тодорчээ.
-ЖҮДО: ДАШТ-ээс 5 алт, 4 мөнгө, 13 хүрэл медаль хүртээд байна-
Жүдо бөхийн насанд хүрэгчдийн эрэгтэйчүүдийн 35, эмэгтэйчүүдийн 26 дахь удаагийн дэлхийн аварга шалгаруулах тэмцээн энэ сарын 6-13-ны өдрүүдэд Узбекистаны нийслэл Ташкентад амжилттай зохион байгуулагдлаа.
Ташкентийн татамид манай улс эрэгтэй, эмэгтэй тус бүр 9, нийт 18 жүдоч зодоглолоо. Монголын жүдо бөхийн холбооноос энэ удаагийн ДАШТ-д эрэгтэйчүүдийн -60, -66, эмэгтэйчүүдийн -48, -57 кг-ын жинд тамирчдаа давхарлан оролцуулав.
Монголын баг тамирчдын хувьд ДАШТ-ий түүхэнд 4 алт, 3 мөнгө, 12 хүрэл медаль хүртэж байсан түүхтэйтэйгээр энэ удаагийн ДАШТ-ийг эхлүүлсэн.
-Хүндийн өргөлт: ААШТ-ээс нэг алт, хоёр мөнгө, нэг хүрэл медаль хүртэв-
Бахрейний Манамад болж буй хүндиийн өргөлтийн Азийн аварга шалгаруулах тэмцээнд манай улсын тамирчид амжилттай оролцлоо. Тухайлбал, МУГТ М.Анхцэцэг алтан медаль, Э.Энхтамир, О.Дархижав нар мөнгөн медаль, Г.Ануужин хүрэл медаль тус тус хүртлээ.
