"Эрдэнэс Тавантолгой" ХК-ийн Гүйцэтгэх захирал Б.Ганхуяг цаг үеийн асуудлаар мэдээлэл өглөө.

Тэрбээр "Өнөөдрийг хүртэл хувь хүний хувьд зугтаж биш зүтгэж ажиллаж байгаа гэж ойлгож болно. Тамга надад байдаггүй. Тогтсон журмаараа Тамгын газрын дарга дээр байдаг. Тэр бол байгаа газраа л байгаа. Бид тамга дардаггүй. Гарын үсэг зурдаг. Эцсийн дүндээ эдийн засаг урагшилна. Тиймээс буруу зөрүү битгий ойлгоосой. Засгийн газрын тогтоол гарсантай холбоотойгоор саналаа өгсөн. Энэ саналд маш тодорхой бий. Үүнийг 500-600 болгох боломжтой гэж Гаалийнхан үзсэн юм билээ. Нөөц бололцоо 300-350 гэж ойлгож болно. Хоёр тал хамтраад ажиллах бүрэн боломжтой.

Хилээр өдөрт 560-600 машин гарч байгаа. Үүний 60 хувь нь “Эрдэнэс Тавантолгой” ХК, 15 хувь нь орон нутгийн Тавантолгой. Уртын тээвэрт 800 явж байгаа. Манай 360 машин явж байгаа.

Урьдчилгаагүй нүүрс гэж “Эрдэнэс Тавантолгой” ХК-д байхгүй болсон. Урьдчилгаа байнга төлж байгаа.

Нүүрсээр төлбөрөө бодитой авсан нь Тавантолгой төмөр зам. Өнөөдрийн байдлаар 430 орчим сая долларын нүүрс урьдчилж авсан. Гүйцэтгэл өндөр хувьтай байгаа. Бид 9.3 сая тонн нүүрс олборлож, 8.3 сая тонн нүүрс экспортолно гэсэн төлөвлөгөөтэй байгаа.

Санхүүгийн байдал өчигдрийн байдлаар 8.1 тэрбум төгрөгийн цэвэр ашигтай байгаа үзүүлэлт гарсан. Улсад 650 орчим тэрбум орчим төгрөгийн татвар төвлөрүүлсэн. Оны эцсийн гүйцэтгэлээр харахад 840 тэрбум төгрөг тушаана гэсэн төсөөлөлтэй байна.

Авлага 3.6 их наяд төгрөг байгаа. Харин өглөг 3.4 их наяд байна. Өр авлагийг тэнцвэржүүлэх юм бол 200 тэрбум төгрөг баланстайгаар гарах тооцоолол байна. Бүрэн эрхт төлөөлөгч ирснээр бүтцэд хөдөлгөөн орохгүй байх гэж бодож байна. Хуучин “Эрдэнэс Тавантолгой” борлуулалт хийдэг компани байсан. Харин одоо бол 20 орчим төслийг хариуцдаг маш том төслийн компани болчхоод байгаа” гэв.

Д.Батчулуун