Засгийн газрын 2022 оны аравдугаар сарын 26-ны хуралдаанаар “Эрдэнэс Тавантолгой” ХК-д зургаан сарын хугацаагаар онцгой дэглэм тогтоож Засгийн газрын онцгой бүрэн эрхт төлөөлөгчөөр Сангийн яамны Төрийн нарийн бичгийн дарга Ж.Ганбатыг томилсон. Засгийн газрын бүрэн эрхт төлөөлөгч томилсноос хойш “Элгэн” компани руу 20,9 тэрбум төгрөгийг шилжүүлэх оролдлого хийгджээ. Иймд тус үйлдлийг зогсоож, ажлын хэсгийн ахлагч Худалдан авах ажиллагааны газрын дарга М.Бат-Эрдэнэ, Нарийн бичгийн дарга Геологи, уул уурхайн төлөвлөлтийн хэлтийн дарга Д.Уужимсанаа, Санхүү, хөрөнгө оруулалтын газрын дарга З.Амгаланбаатар, Ерөнхий нягтлан бодогч Д.Алтанцэцэг, Дотоод хяналт, эрсдэлийн удирдлагын газрын дарга Х.Нурлат нарыг эрхэлсэн ажилдаа хариуцлагагүй хандаж, компанийн үйл ажиллагаанд эрсдэл бий болгосон үндэслэлээр 2022 оны аравдугаар сарын 31-ний өдөр чөлөөлөх шийдвэрийг гаргажээ.
Тэгвэл эдгээр хүмүүсийн 20,9 тэрбумыг шилжүүлэх гэж байсан “Элгэн” компани нь 2007 оны зургаадугаар сарын 14-ны өдөр байгуулагдсан бөгөөд далд уурхайн хайгуул шинжилгээний лаборатори компаниудын консорциумын толгой компани юм.
Харин “Элгэн” компанийн эзэд хэн бэ?
- Гүйцэтгэх захирал Т.Ерэнбаатар
Хувьцаа эзэмшигчид
- Ц.Өнөрбаяр /2020 оны нэгдүгээр сараас эхлэн хувьцаа эзэмшиж байгаа/
- Т.Сүрэнжав /2007 оны зургаадугаар сараас хувьцаа эзэмшиж байгаа/
- У.Хүрэлбаатар /2007 оны зургаадугаар сараас хувьцаа эзэмшиж байгаа/
Д.Батчулуун
Сэтгэгдэл (554)