Монгол орны хөдөөгийн иргэлийн уур амьсгалын өөрчлөлтөд дасан зохицох чадамж болон эрсдэлийн менежментийг боловсронгуй болгох төслийн удирдах хурал өнөөдөр боллоо.
Уур Амьсгалын Ногоон сангийн (GCF) санхүүжилтээр БОАЖЯ, ХХААХҮЯ болон НҮБХХ хамтран хэрэгжүүлж буй “Монгол орны хөдөөгийн иргэдийн уур амьсгалын өөрчлөлтөд дасан зохицох чадамж болон эрсдэлийн менежментийг боловсронгуй болгох нь (АДАПТ)” төслийн Удирдах хорооны хурал боллоо.
НҮБ-ын Хөгжлийн Хөтөлбөрийн Суурин төлөөлөгч, хатагтай Илейн Конкиевич, ХХААХҮЯ-ны Төрийн нарийн бичгийн дарга Т.Жамбалцэрэн болон саналын эрх бүхий 13 байгууллагын төлөөлөл, төслийн ажилтнууд оролцлоо.
АДАПТ төсөл нь Монгол Улсын хөгжлийн тэргүүлэх чиглэлүүд, "Алсын хараа-2050" болон Засгийн газрын 2020-2024 оны үйл ажиллагааны төлөвлөгөө, “Үндэсний тодорхойлсон хувь нэмэр”-ийн баримт бичигт тусгагдсан тэргүүлэх чиглэлүүдтэй уялдан, уур амьсгалын өөрчлөлтөд дасан зохицох, түүний нөлөөллийг сааруулахад чиглэгдсэн арга хэмжээг хэрэгжүүлэх, ХАА-н тогтвортой хөгжил, малчдын амьдрал ахуйг дээшлүүлэхэд Монгол Улсын Засгийн газарт дэмжлэг үзүүлж буй томоохон ач холбогдол бүхий төсөл юм.
Уур амьсгалын өөрчлөлтөд эмзэг, байгалийн нөөцөөс хамааралтай малчдын дасан зохицох чадамжийг нэмэгдүүлэхэд зорилгоор Ховд, Завхан, Дорнод, Сүхбаатар аймгуудын 68 сумдад АДАПТ төслийг хэрэгжүүлж байна.
БОАЖЯ
Сэтгэгдэл (1)