Иргэдийн жагсаал арав дахь өдрөө үргэлжилж байна. Энэ үеэр жүжигчин У.Цогтбаяр мэдээлэл өглөө. 

Тэрбээр "Би хулгайч гээд өөрийгөө хэн ч хэлэхгүй шүү дээ. Сая мэдэгдэлийг нь үзлээ. Харамсалтай байна. 40 их наяд төгрөгийг 10 их наяд гэлээ. Ийм санхүүгийн тооцоог арван өдөр бодож гаргаж байгаа юм уу. Санхүүгийн аудит хийж, жил бүр дүгнэлт гаргана шүү дээ. Тэрийгээ баримттай мэдээллэхгүй байна. Ярьж байхаар бидэнд албан бичиг өг л дөө. Ард түмнээ хүндэлж байгаа бол албан бичгээр өг.

40 их наяд төгрөг явж, явж 10 их наяд төгрөг боллоо. Тэд маш их зүйлийг тооцоолчихсон байгаа л даа. 76 гишүүн бүр зөвлөхтэй учир тал талаас нь тооцоолсон байгаа.

Тэгэхээр АУДИТ-ын комданиуд шүгэл үлээж, баримтуудыг нь ил гаргах хэрэгтэй. Надад нэг мянга орчим нотлох баримт байна. Нотлох баримт байна гэж хэлэхээс айж байна. Утсыг минь булаагаад авчих вий гээд утсаа нуугаад явж байна. 

Харамсалтай байна. Арав хоног ард иргэдээ ингэж гадаа дааруулчихаад, араас нь 40 их наядаа 10 их наяд байсан гэчихээд нэрсээ ч зарлахгүй байна. Энэ чинь ард түмний төр шүү дээ" гэв. 

Д.Батчулуун