УИХ-ын гишүүн Ш.Адьшаа хуулийн төсөл өргөн барьсан талаар мэдээлэл өглөө.

Тэрбээр "Өнгөрсөн 30 жилийн хамгийн том луйврийн схем болсон төрөөс баталгаа гаргасан зээл тусламжийг улс төрийн хамаарал бүхий этгээдүүд авч завшдаг. Ард түмний боломжийг хулгайлдаг энэ байдлыг өөрчлөхийн тулд нийтийн болон хувийн ашиг сонирхлыг зохицуулах, ашиг сонирхлын зөрчлөөс урдчилан сэргийлэх тухай хуульд нэмэлт өөрчлөлт оруулах тухай хуулийн төслийн өргөн барьсан. Энэ хуулиар бидний хамгийн их зэвүүцэлийг төрүүлээд байгаа төрөөс баталгаа гаргасан зээл төслүүдийг төрөөс хамаарал бүхий хүмүүс завшсан. Мөн хөгжлийн банкны асуудал байна. Эдгээр асуудлууд сүүлийн 3-н жил үргэлжиллээ. Энэ байдалд бид цэг тавих ёстой.

Оны сүүлд эрүүгийн хуульд өөрчлөлт оруулсан. Харин одоо тогтолцооны өөрчлөлт хийх цаг болсон. Энэ хуулийн төслөөр Ерөнхийлөгч, УИХ-ын гишүүд, аймаг сумын засаг дарга нар, ИТХ-ын дарга нар, Ерөнхий прокурор зэрэг улс төрд нөлөө бүхий хүмүүс төрөөс баталгаа гаргасан зээл, тусламжийг авахыг хориглох заалтыг оруулж ирж байна.

Үүнийг УИХ дэмжих байх гэж бодож байна. Яагаад гэвэл энэ бол ард түмний хүсэн хүлээсэн хууль юм" гэв. 

Д.Батчулуун