“Эрүүл мэндийн даатгалын ерөнхий газрын дарга, удирдлагуудыг огцруулъя” сэдвээр “Монголын өрхийн анагаах ухааны мэргэжилтнүүдийн холбоо”-ноос мэдээлэл хийлээ.
Мэдээлэлдээ "Монголын өрхийн анагаах ухааны мэргэжилтнүүдийн холбоо”-нд Монгол Улсын 21 аймаг, томоохон сумууд, нийслэлийн найман дүүрэгт байдаг 205 өрхийн эрүүл мэндийн төвд ажиллаж буй 3400 гаруй эмч, мэргэжилтнүүд нэгдэн үйл ажиллагаа явуулдаг. Бид нийт хүн амын 70 хувьд нь эрүүл мэндийн анхан шатны тусламж, үйлчилгээг аймаг, дүүргийн засаг дарга, эрүүл мэндийн газар, эрүүл мэндийн төв гуравласан гэрээ байгуулан ажилладаг.
Бид нэг иргэнд батлагдсан 2022 оны санхүүжилтээ авч чадахгүй байгаа юм.Өрхийн эрүүл мэндийн төвүүд 2022 оноос эхлэн ЭМДЕГ-тай гэрээ байгуулсан ч батлагдсан төсвөө авч чадахгүй байна. Бид 1-3 сарын санхүүжилтийн 50 хувийг авсан. 4,5,6,7 сарын санхүүжилтийг батлагдсан хувиар авч чадахгүй байгаа юм.
Бид УИХ-ын дарга болон Ерөнхий сайдад албан шаардлага өгснөөр 4-р сараас эхэлж нэмэгдсэн тарифаар санхүүжилтээ авч эхэлсэн. Гэтэл 7,8,9 сарын санхүүжилтийг өгөхгүй асуудал үүссэн. ЭМДЕГ олон удаа хандсан, албан бичиг өгсөн ч ерөөсөө бидэнтэй уулздаггүй. Яагаад санхүүжилт өгөхгүй байгаа шалтгаанаа тайлбарладаггүй.
Тиймээс аргаа бараад бид Эрүүл мэндийн сайд асан С.Энхболдод гурван удаа албан бичиг өгч, уулзсан. Хамгийн сүүлийн уулзалтыг 2023 оны нэгдүгээр сарын 2-нд хийсэн. Бүх өрхийн эмнэлэг ижилхэн оноо авна гэж байхгүй. Ажлаа мэдэхгүй байж, өрхийн эрүүл мэндийн ажилтнуудыг ажлаа хийдэггүй мэт мэдээлэл өгч байна. Бид ямар ч мэдээллийг нээлттэй авч чаддаггүй. Тиймээс түүнийг огцруулах шаардлагыг холбогдох албаныханд өгнө. 2023 онд ёс зүйгүй, ажлаа мэддэггүй хүнтэй өрхийн эмнэлгүүд гэрээ байгуулахгүй гэдгээ мэдэгдэж байна" гэв.
Д.Батчулуун
Сэтгэгдэл (2)