Монгол Улсын Дээд Шүүх сэтгүүлч У.Болортуяаг цагдаад өгчээ. Энэ талаар сэтгүүлч У.Болортуяа мэдээлэл өглөө. 

Тэрбээр “Намайг яагаад дуудсаныг мэдэхгүй байна. Өнгөрсөн тавдах өдөр мөрдөн байцаах албанаас над руу залгаад Монгол Улсын Дээд Шүүх таныг дээд шүүхийг гүтгэсэн, нэр төрд халдсан гэдэг үндэслэлээр мөрдөн байцаах албанд  таны нэр дээр өргөдөл ирсэн. Та ирж мэдүүлэг тайлбараа өгөөрэй гэсэн учир ирсэн байна.

Миний хийсэн нэвтрүүлэг дээд шүүхийн тухай нэвтрүүлэг биш.

Монгол Улсын сангийн сайд асан, УИХ-ын гишүүн асан, АН-ын С.Баярцогт гэдэг хүн гурван шатны шүүхээр буруутгагдаж Анхан шатны шүүхээс арван жил, Давж заалдах шатны шүүхээс 4,2 жил, дараа нь дараагийн шатны шүүх ялыг нь батласан. Гэтэл Дээд шүүхийн Хяналтын Шатны шүүхээс хэргийг нь хэргэсэхгүй болгож, гэмгүй болгоод гаргаад ирэхэд ямар ч сэтгүүлч хүн юм хийнэ шүү дээ.

Яагаад энэ хүн гэм буруугүй болчихвоо гээд гурван шатны шүүх  ямар үндэслэлээр, ямар хэргүүдээр С.Баярцогт гэдэг хүнийг буруутгасан бэ гэдэг Дээд Шүүхийн сайт дээр байсан мэдээг нь хүмүүст уншиж өгсөн. С.Баярцогт гэдэг хүн мэдээлэхдээ Щвейцарь дах  оффшор дансны тухай, Щвейцарийн шүүхийн тухай гээд яриад байдаг. Хүмүүс тэр хэргийн тухай л мэддэг. 

Гэтэл тэр хүний эхнэр, мөн найзынх нь компани Оюутолгой компанид үйлчилгээ үзүүлсэн тухай, олон тэрбумын хаус авчихаад хөрөнгө орлогодоо мэдүүлээгүй тухай олон нийт мэдэхгүй байгаа. Тэр хэргүүд нь нийлээд С.Баярцогт гэдэг хүн ял авсан.

Шүүхийн сайт дээр байсан мэдээг хүмүүст уншиж хэлж өгсөн. Дараагынх нь энэ хэрэг нь цайрсан шалтгаан нь магадгүй Дээд Шүүхийн Шүүгч н.Ганзориг, Хяналтын Шатны Шүүхийн шүүгч н.Амарбаясгалан, н.Эрдэнэбатсүрэн гэх энэ хүмүүст нөлөөнд автаад энэ хүний хэргийг нь хаачихсан юм биш биз гэж хардаж байна" гэв. 

 Б.Мичидмаа