ХӨСҮТ-өөс томуу, томуу төст өвчний болон ковидын нөхцөл байдлын талаар мэдээлж байна. Энэ үеэр ХӨСҮТ-ийн Эмнэлгийн тусламж үйлчилгээ эрхэлсэн дэд захирал Ц.Чинбаяр мэдээлэл өглөө. 

Тэрбээр "Нэгдүгээр сарын 9-нд Сүхбаатар аймгаас ирсэн долоон ирэнийг хүлээн авсан. Энэхүү долоон иргэний тарилга хийсэн газар улайсан, үрэвсэлийн процесс явагдаж байна. Шинээр үүссэн өвчлөл байхгүй. Гурван иргэн нь архаг суурь өвчтэй. Одоогоор бидний хийсэн үзлэг шинжилгээгээр биеийн байдлыг хүнд гэж хэлэхүйц зүйл байхгүй байна. 

Галзуу өвнөөр өвчлөх эрсдэлгүй гэх үнэлгээг гаргасан учир галзуугийн вакцин хийх шаардлагагүй гэж үзэж байна.

Тарилга андуурагдаж хийсэн тохиолдолд хүнд  хэлбэрийн сүрьеэ өвчинөөр өвчлөх тохиолдол бага. Гэсэн хэдий ч гарч болох эрсдэлийг тооцоолон төв эмнэлэгт авч ирж цаашдын эрүүл мэндэд анхаарч байна" гэв. 

Д.Батчулуун