Нэгдүгээр сарын 1-ээс хэрэгжиж эхэлсэн Үндсэн хуулийн тодорхой зүйл заалтыг илтэд зөрчсөн хууль, тогтоол шийдвэрүүдийг хүчингүй болгох маргаан үүсгэх зорилгоор Сэтгүүлч Ч.Лодойсамбуу Үндсэн хуулийн цэцэд хандаж байна.
Энэ үеэр тэрбээр "Шинэ он гарснаас хойш хэрэгжиж эхэлж буй хуулиуд бий. Эдгээр хуулиуд хэрэгжиж эхэлснээрээ үндсэн хуулиар олгогдсон хүний эрх зөрчигдөж байгаа гэдэг үндэслэлээр ярилцлага хийдэг. Сангийн сайд, Хууль зүй, дотоод хэргийн сайд, ЗГХЭГ-ын дарга нартай ярилцлага хийсэн. Удаа дараагийн тойм нэвтрүүлгүүдээрээ хэлсэн. Хэлсэн боловч өнөөдрийг хүртэл тодорхой шийдэлд хүрээгүй учраас Үндсэн хуулийн цэцэд хандаж байна.
Засгийн газар өдөр бүр ямар нэг хулгайг ил гаргаж ард иргэд түүнийг нь илрүүлэхийн төлөө араас нь явсаар араар нь болж буй хуульгүй олон шийдвэрүүдийг анзаарахгүй байна. УИХ Үндсэн хуулиа зөрчөөд байвал нэмэлт өөрчлөлт хийгээд ч нэмэргүй.
Аливаа улсын үндэс суурь нь Үндсэн хууль боловч хэрэгждэггүй. УИХ хуулиа зөрчөөд байвал ард иргэд хуулиа хэрэгжүүлэх боломжгүй болж байна. ҮХЦ-д дараах асуудлаар хандаж байна
- Нийгмийн халамжийн тухай хуульд нэмэлт өөрчлөлт оруулснаар орлогын хэмжээнд нь хамаарч хүүхдийн мөнгийг ялгаж өгөхөөр болсон. Хүүхэд бол хүүхэд. Хүнийг ажил төрөл, гар үүслээр ялгахгүй гэж заасан шүү дээ.
- Татварын ерөнхий хуулиар 10 гаруй байгууллага иргэдийн мэдээллийг харах боломжтой болсон. Ямар ч шүүхгүйгээр хүний мэдээлэлд халддаг боломж бүрдэж байна.
- Орлогын хэмжээнээс хамаарч татвар ногдуулах бас нэг заалт нэмэгдсэн нь ялгаварлан гадуурхаж буй хэлбэр.
Эдгээр хуулиудыг эргэн харж маргаан үүсгэн шийдвэрлэхийг шаардаж шаардлага хүргүүлээгүй. Эсэргүүцээгүй. Тэмцээгүй. Өргөдөл гаргаад Үндсэн хуулийн цэцээс хүсэж байна. Үндсэн хуулийн цэцийн дээр хөх тэнгэр байдаг гэдэг. Энэ хоёрын завсар ямар нэг зүйл байдаг бол сэтгүүлчдэд хэлээч гэж байгаа юм. Суурь болсон зарчимаа хамгаалахгүй бол болохгүй нөхцөл байдал бий болсон" гэв.
Д.Батчулуун
