Тэрбээр “Өнөөдөр УИХ-ын гишүүн Хөдөлмөр Нийгмийн Хамгааллын Яамны сайд Аюурсайхныг эх орноосоо урвасан байж болзошгүй гэдэг үндэслэлээр түүнийг УИХ-ын гишүүн, ХНХЯ-ы сайдын албан тушаалаас эргүүлэн татаж хууль хяналтын байгууллагад шалгуулах ёстой гэдэг үндэслэлээр хэвлэлийн бага хурлыг хийж байна. Үндэслэл гаргасан шалтгаан нь Мөрч.мн сайтын сэтгүүлч бид нар 2022 оны долоодугаар сараас эхлэн нүүрсний гэх хэргийг шалгаж энэ хэргийн араас явсан. Өнөөдрийг хүртэл цуглуулсан баримтаа энэнээс цаашхыг хууль хяналтын байгууллага нь шалгах ёстой юм байна.
Үнэхээр ХНХЯ сайд Т.Аюурсайхан эх орноосоо урвасан уу өөрийн өндөр албан тушаалыг ашиглан хүрээлэл бий болгож, хүрээллээрээ дамжуулан Монгол Улсын эдийн засгийн аюулгүй байдалд нөлөөлөх үйл ажиллагаа явуулсан уу гэдгийг шалгах ёстой.
Үүнийг Тагнуулын Ерөнхий Газар шалгах ёстой. Иймээс Тагнуулын Ерөнхий Газарт бид нийтлээ 88 хуудас мэдээлэл бэлдэж авчирж өгсөн. Мөн Цагдаагын Ерөнхий Газар 166 хуудас, Авлигатай тэмцэх газар 222 хуудас материалуудыг авчирж өгсөн. Ингэж үзэх шалтгаан нь Аюурсайхан нь МОХ-Монголын Оюутны Холбооноос угшилтай. Монгол улсын ерөнхийлөгч Н.Багабандийн шадар туслахаас ажлаа эхэлсэн. Бид нар Аюурсайхны хулгайд холбогдсон схем нь МАН-ын шинэчлэлийн хорооны гишүүд Эрдэнэс-Тавантолгой компанид шургуулж орж ирсэн сүлжээ гэж харж байгаа. Нэгдүгээрт Баттулагын Ганхуяг Эрдэнэс-Тавантолгой компанийн захирал, Хоёрдугаарт Баатарын Отгонжаргал Эрдэнэс-Тавантолгой компанийн Худалдан авалтын албаны дарга ерөнхий аудитор, энэ бол Аюурсайхны шадар туслах. Дараагынх нь Содномцэрэнгийн Энхтөр, Ганхуягын гэр бүлийн найз Эрдэнэс Тавантолгой компанийн Борлуулалт маркетинг тээвэрлэлтийн газрын дарга, Бат-Эрдэнэ Эрдэнэс-Тавантолгой компанийн Худалдан авалтын газрын дарга. Нурлат Эрдэнэс-Тавантолгой компанийн Дотоод аудит эрсдэлийн газрын дарга, Алтанцэцэг Эрдэнэс-Тавантолгой компанийн Ерөнхий нягтлан бодогч МОХ-ы нягтлан байсан хүн. Батбилэгийн Мөнхбаатар Эрдэнэс-Тавантолгой компанийн Уул уурхайн газрын дарга, Хашбатын Батсайхан Эрдэнэс-Тавантолгой компанийн Захиргаа удирдлагын газрын дарга . Энэ хүмүүс бүгд Эрдэнэс-Тавантолгой компанийн удирдлагын багт 2018 онд орж ирсэн. Ганхуяг 2016 онд Дэд захирлаар томилогдож 2018 онд Гүйцэтгэх захирал болсон. Ийн 2018 оноос хойш Аюурсайхантай холбоотой оруулж ирсэн есөн хүн байгаа. Эдгээр Эрдэнэс-Тавантолгой компанийн удирдлагын багт оруулж ирсэн есөн хүний хамаарал бүхий сүлжээ нь энэ хүмүүс ах дүү амраг садан, найз нөхдийн нэр дээр компани байгуулдаг. Түүгээрээ мөнгө угаадаг” гэж үзэн цуглуулсан мэдээллийг Тагнуулын Ерөнхий Газарт хүлээлгэн өглөө.
Б.Мичидмаа
