Хөгжлийн банкны зээлтэй холбоотой асуудлаар Монгол улсын  Их хурлаас  байгуулагдсан  шалгах түр хорооны нотлох баримтыг шинжлэн судлах сонсгол дөрөвдэх өдрөө үргэлжилж байна. 

Өнөөдрийн сонсголд Хөгжлийн банкнаас санхүүжүүлсэн 12 зээлд холбогдуулан 59 гэрчийг оролцуулж байна. Энэ үеэр 

УИХ-ын гишүүн Т.Доржханд: Энэ зээлийг авахдаа “ТОСК” буюу төрийн өмчийн компани авсан, “НЬЮ ЯАРМАГ ХАУСИНГ ПРОЖЕКТ” нь гүйцэтгэгчээр орж барьсан. Энэ хэмжээний бүтээн байгуулалт барих туршлага байсан уу, сонгон шалгаруулалт хийгдсэн үү. Та Монгол улсын ерөнхийлөгч асан Х. Баттулгын зөвлөхөөр ажиллаж байсан. Мөн барилгын сайд байхад нь зөвлөхөөр ажиллаж байсан санагдаж байна. Энэ төслийн гүйцэтгэгчээр шалгарсанд ашиг сонирхлын  харилцаа хамаарал байна гэж бодож байна.

“НЬЮ ЯАРМАГ ХАУСИНГ ПРОЖЕКТ” Гүйцэтгэх захирал Ц.Ууганбаяр: "Зээл хаасантай холбогдуулан залруулга хэлье. Бид нар “ТОСК-ын өмнөөс 24 тэрбумыг төлсөн. Шүүхийн шийдвэр байхгүй. Ингээд Монгол улсын Хөгжлийн банканд нийт 85 тэрбумыг төлсөн, энэ дотор  бэлэн төлөлт бас байгаа. Манай “НЬЮ ЯАРМАГ ХАУСИНГ ПРОЖЕКТ” би ямар нэг тэндерт оролцоогүй учраас сонгон шалгаруулалт хийх ёстой байсан эсхийг мэдэхгүй. Туршлагын хувьд залуу хүн учраас туршлагагүй гэж харсан байх. Мэдээж би төслөө амжилттай хэрэгжүүлсэн. Үр дүн нь гарсан. Хөгжлийн банкнаас зээл авсандаа одоо хүртэл харамсдаг. Би арилжааны банкнаас адилхан зээл аваад л төлөөд явж байгаа. Тухайн үед санхүүжилтийн гуравны хоёр нь бүтсэн төслүүдийг засгийн газар хайж байсан. Энэ төслийг хувийн хэвшилд ажиллаж байхдаа эхлүүлсэн. Иймд “ТОСК”санал тавьсан. Бид зээл хөөцөлдөөгүй.

Намайг Х.Баттулга гэж хүнтэй их холбодог. Би зөвлөх хийсэн гэхдээ орон тооны бус зөвлөх байсан. Ажлынхаа хажуугаар залуу хүний хувьд оролцооны зүгээс итгэл үнэмшлээрээ ажилласан. Х.Баттулга гэдэг хүнтэй хувь хүний, компанийн ямар ч хамаа байхгүй" гэв. 

Б.Мичидмаа