Үндсэн хуулийн Шинэчилсэн найруулгын төслийн талаар мэдээлэл өгч байна. Энэ үеэр Иргэний зориг ногоон намын дарга Ц.Ганхуяг мэдээлэл өглөө. 

Тэрбээр "Дөрвөн нам хамтарч өөрсдийн сүүлийн арав гаруй жилийн хугацаанд үндсэн хуулийн төсөл боловсруулаад энэ оны нэгдүгээр сарын 3-нд Ерөнхий сайдад гардуулан өгсөн байгаа. Төслөө нягт нямбай танилцуулж амжаагүй байтал хэвлэлээр янз бүрийн мэдээллүүд их явсан.

1992 оны үндсэн хуулийг шинэчлэх цаг болсон. Хуульч эрдэмтдийн дийлэнх нь шинэчлэх нь зөв хэмээн зөвшөөрч байгаа. Өнгөрсөн онд улс төрийн 24 нам үндсэн хуулийг шинэчлэх хэрэгтэй хэмээн нэгдээд гарын үсэг зурсан.

Төр муу байгаа нь төр байгуулдаг үндсэн хууль муу байгааг харуулж байна. Төрийн дээр нам гарсан уу, иргэд яагаад ядуу байгаа зэрэг нь үндсэн хуулиас бий болсон ужиг хямрал хэмээн үзэж байна. Ард түмний санал асуулгаар цоо шинэ үндсэн хуулийг батлахын санал болгож байна. Зөвлөлдөх санал асуулга явуулахыг эсэргүүцэж байна. Энэ зөвлөлийг татан буулгая. Ийм байгууллага хэрэггүй. Шинэ үндсэн хуулийг мэдэх эрх зөвлөлдөх эрх мэдэл байхгүй. Шинэ үндсэн хуулийг батлах эрх параламентад биш ард түмэнд байх ёстой. 

Өөрийн гэсэн үндсэн хуулийн төсөлтэй дөрвөн нам нэгдсэн хувилбарыг гаргасан. Энэ төсөл нууц далд ямар нэг хуйвалдааныг агуулаагүй. Төсөл нээлттэй шүүлтүүрээр хэлэлцэгдэж, нийгмийн гэрээ боловсрогдох ёстой. Хууль тогтоох, гүйцэтгэх, орон нутгийн эрх мэдлийг ард түний гарт атгуулахын төлөө ажилласан. Төрийн эрх мэдэл ард түмнээс эх сурвалжтай. Энэ эх сурвлжийг энэхүү хуулийн төсөлд тусгаж өгсөн. Шинэ үндсэн хууль бол ард түмний засаглал мөн" гэв. 

Д.Батчулуун