Нийслэлийн Аялал жуулчлалын газар, “Скайрезорт” ХХК-тай хамтран “Улаанбаатарын өвлийн наадам” арга хэмжээг 2023 хоёрдугаар сарын 11-12-ны өдрүүдэд "Скайрезорт" цанын баазад зохион байгуулах гэж байна. Монгол улсынхаа үзэсгэлэнт өвлийн улирал, ёс заншил, өв уламжлал, дахин давтагдашгүй өвөрмөц соёлыг сурталчлан таниулах, залуу үедээ өвлүүлэн үлдээх, шинэ тутам хөгжиж буй өвлийн улирлын экстрим спорт, аяллын төрлүүдийг нийслэлчүүдэд таниулах, амралтын өдрүүдийг гэр бүлээрээ өнгөрүүлэх зорилгоор тус наадмыг зохион байгуулж байна.
Наадмын үеэр, Мөсөн сур харвааны улсын аварга шалгаруулах тэмцээн, сонирхогчийн тэмцээн Мөсний шагайн улсын аварга шалгаруулах тэмцээн, сонирхогчийн тэмцээн Снөүбоардын тэмцээн Параглайдинг /уулын шүхэр/ хотын аварга шалгаруулах тэмцээн Цасны Регбигийн хотын аварга шалгаруулах тэмцээн Мөсөн хананд авиралтын сонирхогчийн тэмцээн Гэр бүлийн буухиа, олс таталтын тэмцээн зохион байгуулагдах аж.
Мөн дараах үзүүлбэр, үйлчилгээтэй. Үүнд: Шүхрийн үзүүлбэр Шувуулахуйн үзүүлбэр Снөүбоардын үзүүлэх тоглолт Нохой чарганы үйлчилгээ Хоол ундны үйлчилгээ Цана, чарганы үйлчилгээ үзүүлнэ.
Наадамд Улаанбаатар хот болон 21 аймгийн нийт 1000 орчим баг, тамирчид оролцохоос гадна Өвөрмонгол, Буриад, Халимаг зэрэг Монгол туургатан улсуудын 6 багийн 60 гаруй тамирчин оролцохоор бүртгүүлжээ. Мөн "City tour" хотын аяллын автобус дараах хуваарийн дагуу иргэдэд үйлчлэх юм байна. Тасалбарын үнэ 2000 төгрөг
