"Зөвлөлдөж шийдье" зөвлөлдөх санал асуулгын талаар Зөвлөлдөх зөвлөлийн дарга, гишүүд мэдээлэл өгч байна. Энэ үеэр Зөвлөлдөх зөвлөлийн орлогч дарга, эдийн засагч Б.Отгонтөгс мэдээлэл өглөө.

Тэрбээр "Зөвлөлдөх уулзалтад 21 аймаг, есөн дүүргийн 800 иргэн зөвлөлдөх уулзалтад оролцлоо. Эдгээр иргэн зөвлөлдөх санал асуулгын нэгдүгээр үе шатанд бөглөсөн 22 асуултын дагуу дахин саналаа өгсөн. 

Өнөөдрийн байдлаар Үндэсний статистикийн хорооноос 801 хүний саналыг программд шивж, датагаа оруулсан.

Зөвлөлдөх зөвлөлийн гишүүд өнөөдөр, маргааш хоёр ажиллана. Асуулт болгоноор гаргах зөвлөмжөө зөвлөлийн зүгээс хоёрдугаар сарын 20-н гэхэд УИХ-ын даргад хүлээлгэж өгнө. Санал асуулгад оролцсон 801 хүний хувьд  мэргэжил, боловсрол, ажил эрхлэлтийн байдлаар Монгол Улсын насанд хүрсэн, сонгуулийн насны 2.1 сая хүнийг төлөөлж чадахаар хүмүүс бий" гэв. 

Д.Батчулуун