Монгол Улс, БНСУ-ын Засгийн газар хооронд “Агаарын харилцааны хэлэлцээр” байгуулах харилцан ойлголцлын санамж бичигт гарын үсэг зурж байна. Энэ үеэр Зам тээврийн яамны Төрийн нарийн бичгийн дарга С.Батболд мэдээлэл өглөө.
Тэрбээр "Энэ уулзалтар бид Монгол, БНСУ-ын хооронд нислэгийн багтаамж, давтамжийг нэмэгдүүлж байгаа. Өмнө нь долоо хоногт 2500 хүний багтаамтай есөн нислэг хийдэг байсан. Харин энэ өвөл БНСУ-ын талаас 3350 багтаамжтай 12 нислэг болгож нэмэгдүүлсэн. Монголын талаас 3350 суудлын багтаамжтай, 17 нислэг болгон нэмэгдүүлсэн. Мөн энэ хэлэлцээрээр БНСУ-ын гурван хотууд руу шууд нислэг хийх боломжтой болж байна. Мөн Сөүлээс-Мөрөн, Сөүлээс-Чойбалсан зэрэг гурван хотууд руу нислэг үйлдэх талаар тохиролцлоо.
Суудлын багтаамж, давтамжийг нэмэгдүүлж байгаа ч зорчигч байхгүй бол нислэгүүд буурах эрсдэл байна. Тиймээс Аялал жуулчлалын салбартай хамтран ажиллаж байна.
Өмнө нь БНСУ-ын талаас Korea Air, Монголын талаас МИАТ нислэг үйлддэг байсан. Энэ монопол байдлыг арилгахын тулд БНСУ-ын талаас дөрвөн авиа компани, Монголын талаас МИАТ, Арео Монголиа нислэг үйлдэнэ. Авиа компаниуд үйлчилгээ үзүүлэхийн тулд үнээрээ өрсөлдөх байх. Хямд нислэг гээд дотроо хоол ундгүй үйлчилгээ үзүүлдэг компаниуд бий. Суудал ашиглалт нэмэгдээд байвал бид үнэ тарифаа буулгах тохиролцоотой ажиллаж байна" гэв.
Д.Батчулуун
