АНУ-ын Хууль зүйн яам саяхан Доналд Трампын хууль зүйн багт түүнийг нууц баримт бичигтэй зүй бусаар харьцсан байж болзошгүй асуудлаар холбооны мөрдөн байцаалтын бай болж байгааг мэдэгдсэн байна. Энэ нь прокурорууд экс ерөнхийлөгчийг яллах ажилд ойртож байгаагийн шинж юм. Прокурорууд Трампыг бай гэж мэдэгдэх болсон уг шийдвэр нь зөвхөн тусгай өмгөөлөгч Жек Смитийн мөрдөн байцаалтын үндсэн дээр тулгуурлаж байгаа гэнэ. 

Трампын хуулийн баг даваа гарагт мөрдөн байцаалтын талаар Смит зэрэг албаны хүмүүстэй уулзав. Уулзалтаар Трампын хуулийн багийнхныг прокурорын зүй бус үйлдлийн талаар танилцуулж байгаа талаар ярилцав. Смит хурлын танхимд байсан хүмүүстэй мэндлэхээс өөр юу ч хэлээгүй гэж тэр эх сурвалж хэлсэн. Хууль зүйн яамны журмаар прокурорууд мөрдөн байцаалтын субьектэд бай болсон тухайгаа мэдэгдэх боломжийг олгодог. Ихэнхдээ хэн нэгэн бай болсон тухай мэдэгдэл нь яллах дүгнэлт үйлдэж болох хүчтэй шинж тэмдэг боловч эцсийн дүндээ шийтгэл хүлээн авагчид ямар нэгэн төлбөр ноoгдуулахгүй байх магадлалтай байдаг. 

Трамп лхагва гарагт "The New York Times" сонины Мэгги Хаберманд өгсөн ярилцлагадаа энэ талаар тодорхой зүйл хэлээгүй. Смитийн нууц материалтай зүй бус харьцаж, шударга ёсыг тогтооход саад учруулж болзошгүй гэх үндэслэлээр эхэлсэн мөрдөн байцаалт хэдэн долоо хоногийн турш үргэлжилсний эцэст дуусах шатандаа ойртож байгаа сурагтай. Өөрөөр хэлбэл АНУ-ын экс ерөнхийлөгч Доналд Трамп дахин ерөнхийлөгчөөр сонгогдохын төлөө олон саад бэрхшээлтэй учирч байна гэсэн үг. 

Л.Сайнаа