Канад улсад ой хээрийн онц ноцтой түймэр дэгдсэний улмаас агаарын чанар муу байгаа тул Хойд Америкт оршин суудаг сая сая хүмүүст "N95" маскыг гадуур гарахдаа зүүж байхыг засгийн газраас нь зөвлөөд байна.
Түүнчлэн Канадад уг уриалгыг нь олон нийтэд хүргэж, хүмүүс гэртээ үлдэх боломжгүй бол амны хаалт зүүх хэрэгтэй гэж мэдэгджээ. Аюултай, утаатай нөхцөл байдал амралтын өдрүүд хүртэл үргэлжлэх төлөвтэй байгааг албаныхан мөн анхааруулж байна. Утаа Хойд Америкын мужуудад хүрэх болсны гол шалтгаан нь нийтдээ 150 орчим голомт бүртгэгдээд буй Квебек мужаас эхлэлтэй. Тус мужийн 15 мянга гаруй оршин суугчийг нүүлгэн шилжүүлэх шаардлагатай гэж албаныхан лхагва гарагт мэдэгдсэн. Энэ бол Квебекийн түүхэн дэх хамгийн хар өдрүүд хийгээд түүхэн дэх хамгийн том түймэр болоод байна.
Пүрэв гарагт Торонто хотод утаа ихсэж байгаа тул нөхцөл байдал улам дордож байна гэж Канадын Байгаль орчны газраас мэдэгдэв. Харин Лхагва гарагт гарсан цаг агаарын тусгай мэдээнд тус агентлаг гадаа байгаа хэн бүхэнд амны хаалт зүүхийг уриалж байлаа.
"Эдгээр нарийн ширхэгтэй тоосонцор нь эрүүл мэндэд хамгийн их эрсдэл учруулдаг. Гэсэн хэдий ч амьсгалын аппаратууд түймрийн утааны хор нөлөөллийг бууруулдаггүй. Тийм учраас өөрсдийгөө хамгаалж амны хаалт зүүгээрэй" гэж Канадын Байгаль орчны мэдэгдэлд дурджээ.
Л.Сайнаа
