Аймаг орон нутагтаа дотоодын аялал жуулчлалыг хөгжүүлж, уул уурхай салбараа сурталчлах зорилгоор "Зэс фестиваль" эвэнт арга хэмжээг Монгол Улсад анх удаа Орхон аймаг зохион байгуулж байна.
Энэхүү арга хэмжээг цаашид уламжлал болгон зохион байгуулж, орон нутгийн төдийгүй Монгол Улсад цаашлаад дэлхийд танигдсэн эвэнт арга хэмжээ болгон хөгжүүлэхээр зорьж байгаа аж.
Энэ өдөр зэс боловсруулах үйлдвэрүүдээс гадна зэсээр эцсийн бүтээгдэхүүн үйлдвэрлэдэг иргэн, аж ахуйн нэгж байгууллагын үзэсгэлэн худалдаа, зэс эдлэлийн үзэсгэлэн А.Амарын талбайд гарна.
Мөн Азидаа төдийгүй дэлхийд томоохонд тооцогддог Монгол Улсын баатар "Эрдэнэт үйлдвэр" ТӨҮГ, орон нутагтаа үйл ажиллагаа явуулж буй боловсруулагч “Эрдмин” ХХК, “Ачит Ихт” ХХК, “Гал Сэнтий” ХХК, “Зэс Эрдэнийн хувь” ХХК зэрэг аж ахуйн нэгж байгууллагуудын үйл ажиллагаатай танилцах боломжтой.
