Ираны зүүн өмнөд хэсгээс олдсон жижиг чулуун саванд 4000 жилийн өмнө уруул будагч бодис болгон ашиглаж байсан гоо сайхны бүтээгдэхүүн байсан гэж археологичид мэдэгджээ.
"Энэхүү ховор олдвор нь шинжлэх ухааны үндэслэлтэй баримтжуулж, дүн шинжилгээ хийх боломжтой уруулын будагны "хамгийн эртний" жишээ юм" гэж судлаачид хоёрдугаар сард "Scientific Reports" сэтгүүлд нийтэлжээ.
Шинжилгээнд хамрагдсан дээжийн 80 гаруй хувь нь гүн улаан өнгө үүсгэдэг эрдэс бодисоос бүрддэг гол төлөв гематит байв. Түүнчлэн энэ нь хар өнгөтэй манганит, браунит, түүнчлэн хүнсний ногоо болон бусад органик бодисоор хийсэн бусад эрдэс бодис, лавлаг бодисыг агуулж байгаа гэнэ.
Судалгааны үр дүнд улаан өнгөт эрдэс бодис болон лавлаг бодисуудын эрч хүч нь орчин үеийн уруулын будагны жортой бүрэн нийцэж байгаа нь гайхалтай тохиол байв.
Италийн Падуагийн их сургуулийн Соёлын өвийн тэнхимийн археологич Массимо Видалегийн хэлснээр гоо сайхны бүтээгдэхүүнийг өөр аргаар, тухайлбал нүүр будагч болгон ашиглаж байсныг үгүйсгэх аргагүй юм. Гэхдээ нэгэн төрлийн, гүн улаан өнгө, ашигласан нэгдлүүд, хуруу шилний хэлбэр зэрэг нь уруулын будаг байхаас гарцаагүй гэх дүгнэлтийг өгчээ.
Л.Сайнаа
