БАРИМТ 1
Д.Отгонжаргал 2001 оны аравдугаар сарын 02-ны өдөр төрсөн.
БАРИМТ 2
Үндэсний шигшээ баг, “Женко” клубийн тамирчин.
БАРИМТ 3
Түүний анхны багш ОУХМ Сүхбаатарын Мөнхсүх, МУГТ Банзрагчийн Оюунсүрэн, Монгол Улсын гавьяат дасгалжуулагч Түмэндэмбэрэлийн Сүхбаатар нар юм. Одоо тэрбээр гавьяат дасгалжуулагч Т.Сүхбаатарын удирдлага дор “Женко” клубт чөлөөт бөхийн бэлтгэл сургуулилалтаа хийдэг.
БАРИМТ 4
Түүний эцэг А.Ганбаатар, эх нь Д.Долгоржав гэдэг. Тэр эцэг эхээс долуулаа, гурван эгч, нэг ах, хоёр дүүтэй.
БАРИМТ 5
Д.Отгонжаргал 2020 онд “Сэтгэмж” цогцолбор сургуулийг төгсч, “Идэр” дээд сургуулийг аялал жуулчлалын мэргэжлээр суралцжээ.
БАРИМТ 6
Тэрээр 12 настайгаасаа одоог хүртэл гавьяат дасгалжуулагч Т.Сүхбаатарын удирдлага дор “Женко” клубт чөлөөт бөхийн бэлтгэл сургуулилтаа хийж байна.
БАРИМТ 7
Д.Отгонжаргалын анхны медаль бол 2016 оны өсвөрийн УАШТ-ий хүрэл медаль хүртсэн.
БАРИМТ 8
Тэрбээр насанд хүрэгчдийн дэлхийн аварга шалгаруулах тэмцээнээс гурван жил дараалан медаль хүртсэн Монголын анхны бөх юм.
БАРИМТ 9
Тэрбээр насанд хүрэгчдийн дэлхийн аварга шалгаруулах тэмцээнээс гурван жил дараалан медаль хүртсэн Монголын анхны бөх юм.
БАРИМТ 10
Д.Отгонжаргалын чөлөөт бөхөөр анхны медалиа 2016 оны өсвөр үеийн УАШТ-аас хүртсэн. Тэр цагаас хойш түүний амжилтын буухиа үргэлжилж байгаа.
БАРИМТ 11
Д.Отгонжаргал 2018 оны өсвөр үеийн ДАШТ-ий мөнгөн медальтай.
БАРИМТ 12
2019, 2020 оны насанд хүрэгчдийн УАШТ-ээс хүрэл медаль хүртсэн.
БАРИМТ 13
Тэрбээр 2021 онд чөлөөт бөхийн насанд хүрэгчдийн ДАШТ-ий эмэгтэйчүүдийн 50 кг-ын жинд барилдаж, дэлхийн шилдгүүдтэй анх удаа нүүр тулсан юм. ДАШТ-ий хүрэл медалийн төлөөх барилдаанд 2017, 2019 оны ДАШТ-ээс хошой мөнгөн медаль хүртэж байсан Румыны туршлагатай бөх Алина Вучийг оноогоор цэвэр ялж байлаа. ДАШТ-д анх удаа барилдаж байгаа бөх гэхэд Д.Отгонжаргал үнэхээр гайхалтай сайн барилдсан билээ.
БАРИМТ 14
Түүний айдас, сандралгүй дайчин барилдаанд хүмүүс дуртай.
БАРИМТ 15
Нуруу намтай, 145 см өндөр.
БАРИМТ 16
Тэрбээр Монголын чөлөөт бөхийн эмэгтэй тамирчдаас хамгийн хөнгөн жинд медаль хүртсэн хоёр дахь бөх болж байлаа. Түүнээс өмнө нь гавьяат тамирчин Ц.Энхжаргал эмэгтэй бөхчүүдээс дэлхийн дэвжээнээс анхны медалийг 48 кг-ын жинд авчирч байв.
БАРИМТ 17
“Осло-2021” ДАШТ-ий хүрэл, “Белград-2022” ДАШТ-ий мөнгө, “Белград-2023” ДАШТ-ий мөнгөн медальтай.
БАРИМТ 18
Түүний эхний учраа Италийн Эмануэла Лиуззи юм. Хэрэв түүнийг ялбал олимпын хоёр мөнгө, хоёр хүрэл медальт, дэлхийн иж бүрэн медальт Азербайжаны Мария Стадник, Германы Анастасия Блайвас нарын хэн ялсантай барилдана.
БАРИМТ 19
Тэрбээр Серби Улсын Белград хотноо болсон “Белград 2023” ДАШТ-д, дэлхийн аваргын хүрэл медальт, Туркийн бөх Эвин Демирханыг 8:3-аар, Европын аваргын хошой хүрэл медальт Беларусийн Ксения Станкевичийг 12:1-ээр, олимпын хүрэл, дэлхийн аваргын хоёр мөнгө, нэг хүрэл медальт АНУ-ын бөх Сара Хилдебрандтыг 7:5-ын харьцаатай оноогоор тус тус ялж финалд шалгарсан.
БАРИМТ 20
Дэлхийн аваргын төлөө Японы алдарт Юи Сүсакитай өрсөлдөж, мөнгөн медаль хүртэж, Монгол Улсын баг нийт баг тамирчдаас “Парис-2024” олимпын хоёр дахь эрхийг хүртсэн юм.
Сэтгэгдэл (5)