АНУ-ын Ерөнхийлөгч Доналд Трампын шинэ цэнгээний танхимын барилгын ажил эхэлж байгаатай холбогдуулан Цагаан ордны зүүн жигүүрийн зарим хэсгийг нураажээ. Даваа гарагт барилгын бригадууд зүүн жигүүр дэх хаалттай орц, цонхны асар том хэсгүүдийг нурааснаар бүрэн шинэчлэх ажил ийнхүү эхэлж байгаа аж. 

Д.Трамп өмнө нь хэлэхдээ Цагаан ордонд барих уг танхим нь 250 сая ам.долларын өртөгтэй гэж мэдэгджээ.

Түүний хэлснээр, уг танхимыг босгох ажил Цагаан ордны барилгад болон үйл ажиллагаанд саад учруулахгүй гэнэ. Тэрбээр мөн "Энэ бол миний хамгийн дуртай газар. Би энд байх дуртай" хэмээн Цагаан ордны тухай ярьжээ. 

Трамп олон нийтийн мэдээллийн хэрэгслээр, уг барилгын талаар зарлаж, "Ерөнхийлөгч бүр 150 гаруй жилийн турш Цагаан ордонд хүндэтгэлийн үдэшлэг, төрийн айлчлал гэх мэт хүмүүсийг хүлээн авах бүжгийн танхимтай болохыг мөрөөддөг байсан" гэж тэр бичжээ.

Тэрбээр уг төслийг өөрийнхөө хувийн хөрөнгөөр ​​санхүүжүүлж байгаа аж. Цагаан ордон хоёр зууны турш АНУ-ын ерөнхийлөгчийн өргөөний үүрэг гүйцэтгэсэн. Зүүн жигүүр нь 1902 онд баригдсан бөгөөд хамгийн сүүлд 1942 онд өөрчлөгдсөн түүхтэй. 

Л.Баяр