Израилын арми Ливаны нийслэл Бейрут хотын өмнөд хэсэгт агаарын цохилт хийж Хезболла бүлэглэлийн хоёр дахь том албан тушаалтныг устгасан гэж мэдэгдэв.

Израилын Батлан ​​хамгаалах хүчин (IDF) өнгөрсөн ням гарагт "Хезболла"-ын штабын дарга Хайтам Али Табатабайг "террорист байгууллагын гол ажилтан, ахмад дайчин" гэж нэрлэжээ. Уг довтолгоо нь тус байгууллагыг чадавхийг бэхжүүлэхээс сэргийлж, Израилын төрд хохирол учруулахыг завдсан хүмүүст цохилт өгөх зорилготой байсан” гэж Изриалын жанжин штабын дарга дэслэгч генерал Эйял Замир халдлагын дараа мэдэгдсэн байна.

Халдлагын улмаас таван хүн амиа алдаж, 28 хүн шархадсан гэж Ливаны Эрүүл мэндийн яам мэдээлэв. Хэргийн газраас авсан зургуудад Бейрутын өмнөд хэсгийн хөл хөдөлгөөн ихтэй хэсэгт байрлах орон сууцны дөрөв, тавдугаар давхраас утаа гарч байгааг харуулжээ.

Израилын Ерөнхий сайд Биньямин Нетаньяхугийн албаны мэдээлснээр, Израилын зэвсэгт хүчнийхэн “Бейрутын төв хэсэгт тус байгууллагыг бэхжүүлэх, зэвсэглэх ажлыг удирдаж байсан "Хезболла"-ын штабын даргыг онилсон” гэжээ.

Нетаньяху Батлан ​​хамгаалахын сайд болон Изриалын жанжин штабын даргын зөвлөмжийн дагуу цохилт өгөх тушаал өгсөн гэж түүний ажлын алба мэдэгдэв.

Л.Баяр