Бангладешийн залуучуудын холбооны удирдагч Шариф Осман Хади пүрэв гаргийн орой нас барсны дараа хэд хэдэн хотод хүч түрсэн жагсаал болж, үндэсний хэмжээний сонгуулийн өмнө үймээн самуун улам даамжрах төлөвтэй байна.

Инквилаб Манчагийн мөрийн хөтөлбөрийн хэвлэлийн төлөөлөгч, ерөнхий сонгуульд нэр дэвшигч Хади өнгөрсөн Баасан гарагт Дакка хотод сонгуулийн кампанит ажлаа эхлүүлэх үеэрээ багтай этгээдүүдэд толгой руугаа буудуулсан юм. Түүнийг анх орон нутгийн эмнэлэгт хэвтүүлсэн ч биеийн байдал нь хүнд байсан учир Сингапур руу нисгэсэн ч зургаан өдрийн дараа нас баржээ.

Жагсаалын үеэр Хадигийн нэрийг дурдсан сэтгэл хөдөлгөм уриа лоозонгууд олон байлаа. Жагсагчид тэмцдээ үргэлжлүүлэхээ зарлаж, түүний амийг авч одсон халдлагын хариуцлагын жинхэнэ эзнийг хурдан тогтоохыг шаарджээ. Хэд хэдэн газарт шөнө орой болтол хурцадмал байдал хэвээр үргэлжилсэн учир тус улсын эрх баригчид хүчирхийллээс урьдчилан сэргийлэхийн тулд цагдаа болон цэрэгжсэн хүчнээс дэмжлэг хүсжээ. 

Бангладешийг 2024 оны 8-р сараас хойш Нобелийн шагналт Мухаммед Юнус тэргүүтэй түр засаг захиргаа удирдаж байгаа бөгөөд Ерөнхий сайд Шейх Хасина оюутнуудын бослогын дараа Энэтхэг рүү зугтсан юм. Тус улсын үндэсний сонгууль 2-р сарын 12-нд болох товтой байгаа.  

Л.Баяр