АНУ-ын мэдээний хөтлөгч Саванна Гутри хулгайлагдсан ээжийгээ буцааж өгөхийг гуйж, 84 настай ээжийгээ амьд гэдгийг нотлох баримтыг олзлогдогчдоос хүссэн видео мессежийг нулимс дуслуулан нийтэлжээ.
"Бид ээжийгээ амьд гэдгийг мэдэхийг хүсч байна. Бидэнтэй холбогдоно уу" гэж тэр инстаграмдаа нийтэлсэн бичлэгтээ ярьжээ. Түүний ээж Нэнси Гутри өнгөрсөн амралтын өдрүүдэд АНУ-ын Аризона мужид байрлах гэрээсээ шөнө дунд алга болжээ. Эрх баригчид түүнийг хулгайлагдсан гэж сэжиглэж байгаа бөгөөд Холбооны мөрдөх товчоотой хамтран ажиллаж байгаа гэж мэдэгдэв.
"Бид ярилцахад бэлэн байна. Гэсэн хэдий ч бид дуу хоолой, дүрсийг амархан өөрчилдөг ертөнцөд амьдарч байна. Тэр амьд, та нартай байгаа гэдгийг бид эргэлзээгүйгээр мэдэх хэрэгтэй" гэж NBC телевизийн хөтлөгч Лхагва гаргийн орой нийтэлсэн видео бичлэгтээ хэлжээ.
Барьцаалах болон хүн хулгайлах хэрэгт хэлэлцээр хийгчид хулгайлагчдаас амь насыг нь нотлох баримт шаардах нь хэвийн зүйл. Нэнси Гутригийн хүүхдүүдэд цагдаа нар ингэхийг зааварласан эсэх нь тодорхойгүй байна.
Пима гүнлигийн шерифийн алба лхагва гарагт өнгөрсөн амралтын өдрүүдэд Нэнси Гутритэй холбоо барьсан хүмүүстэй ярилцаж байгаа бөгөөд одоогоор сэжиглэж байгаа хүн байхгүй байгаа ажээ.
Л.Баяр
