БНАСАУ-ын удирдагч Ким Жон Ун эрх баригч Workers’ Party of Korea (WPK)-ын ерөнхий нарийн бичгийн даргаар дахин сонгогдсоныг тус улсын төрийн мэдлийн Korean Central News Agency (KCNA) албан ёсоор мэдээллээ.
Тус агентлагийн мэдээлснээр, шийдвэрийг хоёрдугаар сарын 22-нд болсон Намын IX их хурлын үеэр баталсан бөгөөд энэ нь намын гишүүд, зэвсэгт хүчин болон ард түмний “нэгдсэн хүсэл зориг”-ийг илэрхийлсэн алхам гэж онцолжээ.
KCNA Ким Жон Ун-ыг “эв нэгдэл, удирдлагын төв” хэмээн тодорхойлж, түүний удирдлага дор сүүлийн таван жилд батлан хамгаалах чадавх, ялангуяа цөмийн тогтоон барих хүчин чадал бэхжсэн гэж мэдэгдсэн байна. Мөн эдийн засгийн төлөвлөлт, цэргийн хөгжлийг ахиулсан хэмээн үнэлжээ.
Ким Жон Ун 2011 оноос хойш засгийн эрхийг барьж байгаа бөгөөд 2021 онд Намын ерөнхий нарийн бичгийн даргын албан тушаалыг албан ёсоор хүлээн авсан юм. Тэрээр өмнө нь уг албыг хашиж байсан эцэг Ким Жон Ил-ийн улс төрийн залгамжлагч билээ.
Ажиглагчдын үзэж буйгаар, энэхүү дахин сонгогдолт нь одоогийн удирдлагын бодлого үргэлжлэхийг илтгэж байгаа бөгөөд улс төр, батлан хамгаалах салбар дахь стратегийн чиг шугам хэвээр хадгалагдана гэж таамаглаж байна.
Т.Зузу
