Үндэсний Алтан цомын төлөөх барилдаан нь жил бүрийн 10 сараас эхлэн 8 сарын турш тэгш тоотой сар бүрд Монгол бөхийн өргөөнд зохиогддог Монгол үндэсний бөхийн анхны лиг юм. 

Анх 2022-2023 онд болсон “Алтан цом”-ын барилдаанд 21 аймаг болон Улаанбаатар хот, Өвөр Монгол, Тувагийн тус бүр нэг баг буюу нийт 24 баг оролцож байлаа. Шигшээ нйамд шалгарсан багууд эхний шатны барилдаанд оролцохгүй, шууд дараагийн тойргийн барилдаанд оролцож байсан. Улмаар уг анхдугаар тэмцээний финалын барилдаанд Архангай аймгийн бөхчүүд Булганы багийг таван тойргийн нийлбэр дүнгээр (16:9) финалын барилдааныг тэргүүлж, “Алтан цом”-ын эзэн болсон. Удаах тэмцээнд нь Ховд аймгийн бөхчүүд Архангайн багийг ялж байсан. 

Тэгвэл 2025-2026 оны улиралд лигийн зарчмаар зохион байгуулагддаг уг тэмцээнд бага зэрэг өөрчлөлт орсон юм. Энэ удаад “Алтан цом 2025” барилдаанд Үндэсний шилдэг 8 компанийн баг өрсөлдөж байна. Баг тус бүр 8 гишүүнтэй байх бөгөөд 3 гишүүнийг сонгож, үлдсэн 5 бөхөө сугалаагаар тодруулсан юм. Тухайлбал, МҮБХ-ны 2024 есдүгээр сарын нээлтийн барилдаанаас 2025 оны нээлтийн барилдааныг хүртэлх чансаагаар тэргүүлсэн 80 бөхөөс оролцогч ҮНДЭСНИЙ КОМПАНИУД санал өгч, хамгийн олон санал авсан 40 бөх сугалаанд оролцсон юм. Долоон тойргийн дараах байдлаар шигшээ дөрвөн баг шалгарах бөгөөд уг дөрвөн баг дахин барилдаж ялагчаа дотруулна. 

Одоогоор шилдэг найман баг зургаан тойрог өрсөлдсөн байна. Гэхдээ дөрвөн баг нь зургаа дахь тойргийн барилдаанаа хийгээгүй байгаа. 

Зургаан тойрог барилдсан багуудын дүн:

1. М Си Эс Групп-ийн "М-Си-Эс Энержи" баг - 5 ялалт, 1 ялагдал

2. Хатант Интернэшнл ХХК-ийн "Хатант Интернэшнл" баг - 4 ялалт, 2 ялагдал

3. Алсын Жим ХХК-ийн "Хамаг Монгол" баг - 4 ялалт, 2 ялагдал

4. Миг Даатгал ХХК, Хушхан ХХК-ийн "Эв Монгол" баг - 1 ялалт, 5 ялагдал

Таван тойрог барилдсан багуудын дүн:

1. АПУ ХК, Скайтел ХХК-ийн "АПУ-Скайтел" баг - 3 ялалт, 2 ялагдал

2. Од Групп ХХК-ийн "Од Групп" баг - 3 ялалт, 2 ялагдал

3. Нутгийн Буян Групп ХХК-ийн "Хубилай Хаан" баг - 2 ялалт, 3 ялагдал

4. Хэрэйд ХХК-ийн "Хүлэгү" баг - 5 ялагдал 

Зургадугаар тойргийн сүүлчийн хагас энэ сарын 28-эд болно. Нутгийн Буян Групп ХХК-ийн "Хубилай Хаан" багийн эсрэг АПУ ХК, Скайтел ХХК-ийн "АПУ-Скайтел" баг хүч үзнэ. Хэрэв "Хубилай Хаан" баг ялалт байгуулбал шигшээ шатанд шалгарах магадлалтай болно. Харин эсрэгээрээ  "АПУ-Скайтел" баг ялбал шууд шигшээ шатанд шалгарах юм. 

Нөгөө талд Од Групп ХХК-ийн "Од Групп" баг нэг ялаагүй байгаа  "Хүлэгү" багтай тулна. Ялсан шигшээ шатанд шалгарахын тулд тэд "Од Групп" баг заавал ялах ёстой. 

Дээрх хоёр барилдааны маргааш өдөр буюу энэ сарын 29-ний ням гарагт долдугаар тойргийн эхний хагас болно. Эхний хагаст тэмцээнийг тэргүүлж байгаа М Си Эс Групп-ийн "М-Си-Эс Энержи" баг Нутгийн Буян Групп ХХК-ийн "Хубилай Хаан" багийн эсрэг таарчээ. 

Харин тэргүүлэгчдийн эгнээнд байгаа Хатант Интернэшнл ХХК-ийн "Хатант Интернэшнл" баг Миг Даатгал ХХК, Хушхан ХХК-ийн "Эв Монгол" багтай тулна. Долоон тойргийн сүүлийн хагас дараачийн долоо хоногт нь болж, энэ жилийн Алтан цомын төлөөх тэмцээний шилдэг дөрвөн баг бүрдэх юм. 

Хэрвээ багууд ялалтаараа тэмцсэн тохиолдолд барилдааны давааны тоогоор шигшээ шатанд шалгаруулах ажээ. 

Л.Баяр