АНУ-ын Ерөнхийлөгч асан Доналд Трампын том хүү Доналд Трамп Жр-ийн экс эхнэр Ванесса Трамп хөхний хорт хавдартай гэж оношлогдсон тухайгаа олон нийтэд мэдэгдлээ. Тэрбээр энэ тухайгаа Инстаграм хуудсаараа дамжуулан “Би саяхан хөхний хорт хавдартай гэж оношлогдсон. Энэ бол хэний ч хүлээдэг мэдээ биш. Гэхдээ би эмчилгээний төлөвлөгөөгөө эмч нарын багтайгаа хамт боловсруулж байна” гэж тэр бичжээ.
Мөн тэрбээр энэ долоо хоногийн эхээр хорт хавдрын эсрэг анхны үйл явцдаа орсон гэж дурдаад, эмч нартаа талархал илэрхийлсэн байна.
Ванесса Трамп хэлэхдээ, “гэр бүл, хүүхдүүд болон ойр дотнын хүмүүсийнхээ хайраар хүрээлүүлж, анхаарлаа төвлөрүүлэн, итгэл найдвараа алдахгүй байхыг хичээнэ” гэжээ. Тэр мөн олон нийтэд хандаж дэмжлэг үзүүлсэнд талархаж, “эдгэрэл, эрүүл мэнддээ төвлөрөх тул хувийн нууцыг минь хүндэтгэнэ үү” хэмээн хүссэн байна.
Түүний энэ мэдэгдлийн дараа гэр бүл, ойрын хүмүүсээс нь дэмжлэгийн мессежүүд ирсэн бөгөөд Доналд Трампын охин Иванка Трамп хүртэл “чамд хүч чадал, хурдан эдгэрэл хүсье” гэж сэтгэгдэл үлдээжээ.
Ванесса Трамп нь Дональд Трамп Жр-тэй 2005 онд гэрлэж, 2018 онд салсан. Тэд таван хүүхэдтэй юм.
Л.Баяр
Сэтгэгдэл (1)