Монголын волейболын холбооноос зохион байгуулж буй “Хаврын нээлттэй тэмцээн”-ийн хагас шигшээд шалгарсан багуудын тоглолт өнөөдөр "Буянт Ухаа" спортын ордонд болно.
    Хагас шигшээд шалгарсан эмэгтэйчүүдийн “Энагурэ” “Эрчим”, “Есөн-Эрдэнийн Уурхайчин” ТЭЦ-IV, эрэгтэйчүүдийн “Эрчим” “Алтайн барс” болон “Ноён” “ИНЕГ”-ын багуудаас хожсон нь аваргын төлөө, хожигдсон нь хүрэл медалийн төлөө тоглох юм. Ши­нэ спортын ордон аливаа тэмцээн, уралдаан зохион байгуулахад саруулхан, орчин нөхцөлийн хувьд асуудалгүй боловч үзэгчгүй байх нь элбэг. Үүний жиш­гээр “Хаврын нээлттэй” тэмцээн хоосон суудалтай уудам зааланд өрсөлдөөн ихтэй үргэлжилж байна. Тиймээс спортын баг тамирчдынхаа тоглолтыг очиж үзэн,  хөгжөөн дэмжихийг уриалж байна.