Японы мэргэжлиин сүмо бөхийн тавдугаар сарын башёгийн хоёр дахь өдөр Монголын сүмочдоос хамгийн түрүүнд Азүмарюү /2-0/ барилдаж, өрсөлдөгч бөхөө давжээ. Харин Шотэнрү /2-0/ нутаг нэгт Кёкүшюхогоор /1-1/ даваагаа ахиулжээ.
Тэгвэл Кёкүтэнхо /1-1/-ээр ээлжит учраагаа барсангүй. Гуравдугаар сарын башёгийн дараа бэлтгэлээ эрчимтэй хийж эхэлсэн Токитэнкү /2-0/ өрсөлдөгчөө дэвжээнээс түлхэж гаргасан бол оозэки Какирюү ч /2-0/ давааныхаа тоог нэгээр нэмжээ. Сүмогийн 69 дэх их аварга Хакүхо /2-0/ бэлтгэл сайтай байгаагаа харуулсан юм. Харин өнгөрсөн башёд бэртлийн улмаас олигтой барилдаан үзүүлж чадаагүй 70 дахь их аварга Харүмафүжи / 1-1/ өвдөг шороодов. Түүний өрсөлдөгч нь Маэгаширагийн тэргүүн бөх Миёогирюү байлаа.  Жюүрёод барилдаж байгаа манай сүмочдоос Кагамио, Ониараши нар давж, Асасэ- кирюү, Тамаваши, Такаинова нар уналаа.
Өнөөдөр барилдах барилдааныг танилцуулахад,

Дайдо-Азүмарюү
Чиёнокүни-Кёкүшюхо
Чиёотайрюү-Шотэнрү
Токитэнкү-Кёкүтэнхо
Барүто-Какирюү
Китатайки-Харүмафүжи
Хакүхо-Миёогирюүтай тус тус барилдана.