Хүн бодлоороо эд юмсыг удирддаг болох тухай домог, яриа хүн төрөлхтний дунд мөнхөд байсаар ирсэн. Бодлоороо ховсдож, бодлоороо эд юмсыг хөдөлгөдөг супер баатруудын тухай кино бүтээгчиддээ багагүй орлого авчирдаг. Тэгвэл Миннесотагийн их сургуулийн эрдэмтэн энэ олон зуун жилийн хүсэл мөрөөдлийг биелүүлсэн гэвэл та итгэх үү?
Миннесотагийн их сургуулийн Шинжлэх ухаан, инженерчлэлийн сургуулийн профессор Бин Хе оюутнуудтайгаа хамтран алсын удирдлагатай жижиг нисдэг тэргийг нисгэж байна. Гэхдээ ямар нэг товчлуур дарж биш бодлоороо удирдаж байгаа юм. Итгэхэд хэцүү ч шинжлэх ухааны үр дүнд бүтээгдсэн тэрхүү робот гэр ахуйн жижиг бараанаас эхлээд дайн, тулааны зах зээлд аль хэдийн хүлээлт үүсгэжээ.
Профессор Бин Хегийн багийнхны энэ туршилт олон хүний сонирхлыг татаж байна. Чухам яаж ажилладаг вэ гэдэг нь бүр сонин. 64 тусгай электрод суулгасан малгайны тусламжтайгаар тухайн хүний тархины үйл ажиллагааг уншдаг электроенсефалограф (EEG) хэмээх техникийг эрдэмтэд ашигласан байна. Бүр тодорхой тайлбарлавал удирдаж буй хүний тархины үйлдлийг дээрх электродууд компьютерт дамжуулна. Тэр мэдээллийг компьютер боловсруулж робот машин руу дохио болгон WiFi-аар дамжуулах юм. Удирдаж буй хүн дэлгэцийн өмнө суугаад нисдэг тэрэг доторх камераас ирсэн дүрсийг харж бодлоороо хаашаа явахыг нь шийднэ. Хэрэв та "шидэт" малгайг өмсөөд баоуун гараа хөдөлгөж байна гэж төсөөлөн бодвол таны робот баруун тийшээ хөдөлнө. Гэхдээ үүнд анхаарлаа төвлөрүүлэх нь маш чухал гэдгийг судалгааны багийнхан хэлж байна. Энэ туршилтыг цаашид улам сайжруулж, хэрэглэхэд хялбар болгохоор ажиллаж байгаа юм. Тэд хамгийн түрүүнд саатай, хөдөлгөөний бэрхшээлтэй хүмүүст зориулсан төхөөрөмж хийхээр шийджээ. Профессор Бин Хе “Хүн зөвхөн бодлоо ашиглан нисдэг роботын нислэгийг удирдах боломжтой гэдгийг манай судалгаа анх удаагаа нотоллоо ” гэж ярьжээ.
Гэсэн ч том корпорациуд энэ төслийг зэвсэг, дайны зориулалтаар ашиглах нь зүйтэй гэсэн саналыг гаргаж эхэлжээ. Тухайлбал АНУ-ын нэгэн компани алан хядагчдыг барихад ингэж бодлоор удирддаж болдог камер, гар бөмбөг бүтээх нь илүү дээр гэсэн санааг гаргасан байна. Ямартаа ч Бин Хегийн төсөл шинжлэх ухаанд шинэ үе авчирч байна.
Миннесотагийн их сургуулийн Шинжлэх ухаан, инженерчлэлийн сургуулийн профессор Бин Хе оюутнуудтайгаа хамтран алсын удирдлагатай жижиг нисдэг тэргийг нисгэж байна. Гэхдээ ямар нэг товчлуур дарж биш бодлоороо удирдаж байгаа юм. Итгэхэд хэцүү ч шинжлэх ухааны үр дүнд бүтээгдсэн тэрхүү робот гэр ахуйн жижиг бараанаас эхлээд дайн, тулааны зах зээлд аль хэдийн хүлээлт үүсгэжээ.
Профессор Бин Хегийн багийнхны энэ туршилт олон хүний сонирхлыг татаж байна. Чухам яаж ажилладаг вэ гэдэг нь бүр сонин. 64 тусгай электрод суулгасан малгайны тусламжтайгаар тухайн хүний тархины үйл ажиллагааг уншдаг электроенсефалограф (EEG) хэмээх техникийг эрдэмтэд ашигласан байна. Бүр тодорхой тайлбарлавал удирдаж буй хүний тархины үйлдлийг дээрх электродууд компьютерт дамжуулна. Тэр мэдээллийг компьютер боловсруулж робот машин руу дохио болгон WiFi-аар дамжуулах юм. Удирдаж буй хүн дэлгэцийн өмнө суугаад нисдэг тэрэг доторх камераас ирсэн дүрсийг харж бодлоороо хаашаа явахыг нь шийднэ. Хэрэв та "шидэт" малгайг өмсөөд баоуун гараа хөдөлгөж байна гэж төсөөлөн бодвол таны робот баруун тийшээ хөдөлнө. Гэхдээ үүнд анхаарлаа төвлөрүүлэх нь маш чухал гэдгийг судалгааны багийнхан хэлж байна. Энэ туршилтыг цаашид улам сайжруулж, хэрэглэхэд хялбар болгохоор ажиллаж байгаа юм. Тэд хамгийн түрүүнд саатай, хөдөлгөөний бэрхшээлтэй хүмүүст зориулсан төхөөрөмж хийхээр шийджээ. Профессор Бин Хе “Хүн зөвхөн бодлоо ашиглан нисдэг роботын нислэгийг удирдах боломжтой гэдгийг манай судалгаа анх удаагаа нотоллоо ” гэж ярьжээ.
Гэсэн ч том корпорациуд энэ төслийг зэвсэг, дайны зориулалтаар ашиглах нь зүйтэй гэсэн саналыг гаргаж эхэлжээ. Тухайлбал АНУ-ын нэгэн компани алан хядагчдыг барихад ингэж бодлоор удирддаж болдог камер, гар бөмбөг бүтээх нь илүү дээр гэсэн санааг гаргасан байна. Ямартаа ч Бин Хегийн төсөл шинжлэх ухаанд шинэ үе авчирч байна.
24tsag.mn
