Хятадын хоёр дахь эмэгтэй сансрын нисгэгчээр жолоодуулсан “Шензоу 10” сансрын хөлөг өнгөрсөн лхагва гарагт амжилттай хөөрсөн. Энэхүү нислэг нь Хятадын түүхэнд тойрог замын хамгийн урт хугацаатай буюу 15 хоног үргэлжлэх нислэг гэдгээрээ олны анхаарлыг татаж байна. Харин тус хөлгийн хаягдал хэсэг манай Өмнөговь аймагтай хил залгаа Өвөрмонголын нутагт унасныг олжээ. "Шензоу 10” сансрын хөлгийн хаягдал хэсэг ӨМӨЗО-ны баруун хойд хэсэгт байдаг хэмжээгээрээ Хятадад гуравт ордог Бадайн жаран /Badain Jaran/ нэртэй цөл газар унасан байна. Энэ цөл нь Монголын Говь цөлийн нэг бүрэлдэхүүн хэсэг юм.
Өмнөх нислэг болох “Шензоу 9" хөлгийн хаягдал хэсгийг мөн Ганьсу мужийн нутаг дэвсгэрээс, Баянхонгор аймагтай хил залгаа газраас олсон юм.
Өмнөх нислэг болох “Шензоу 9" хөлгийн хаягдал хэсгийг мөн Ганьсу мужийн нутаг дэвсгэрээс, Баянхонгор аймагтай хил залгаа газраас олсон юм.
Бадайн жаран нь Хятадын Ганьсу, Чинхай мужийн нутаг дэвсгэрт багтдаг бөгөөд нийт 47 мянган мкв газар нутгийг хамардаг, жуулчдын сонирхлыг татдаг байгалийн үзэсгэлэнт газар юм.
“Шэньчжоу -10” нь 2011 оны 9-р сард тойргийн замд гаргасан лабораторын “Тянгунь-1” модультай залгагдах юм. Хөлгийн багийнхан нийслэгийн үеэр янз бүрийн туршилт явуулж, зарим оюутнуудад видео хичээл заана.
Хятадууд сүүлийн жилүүдэд сансар, одон орон судлалд илт анхаарах болсон бөгөөд 2020 он гэхэд 60 тонн жинтэй сансрын станцтай болохоор ажиллаж байна.
Бадайн жаран нь дэлхийн хамгийн өндөр манхантай гэдгээрээ алдартай. Зарим элсэн манхан нь 500 метр хүрдэг байна. Мөн 140 орчим жижиг нуурууд бий.
Б.Баяр
Сэтгэгдэл (7)