“Чингис хаан” олон улсын гран при тэмцээн өнгөрсөн амралтын хоёр өдөр Яармаг дахь “Буянт-Ухаа” спортын цогцолборт зохион байгуулагдаж өндөрлөлөө. Тэмцээнд манай улсын шигшээ баг долоон алт, долоон мөнгө, 12 хүрэл медальтайгаар багийн дүнгээр тэргүүлж, 100 мянган ам.долларын эзэд болов. “Чингис хаан” олон улсын гран при тэмцээнд Япон, ОХУ, БНХАУ, БНСУ тэргүүтэй 18 орны 150 орчим жүдоч зодоглосон юм. 

Эхний өдөр  60 кг-д  Г.Болдбаатар алт,  Д.Амартүвшин мөнгө, Г.Хэрлэн хүрэл медалийн эзэн болсон бол 66 кг-д С.Мияарагчаа алт,   БНСУ-ын Жу Чон Ху /олимп, дэлхийн аваргын хүрэл медальт/ мөнгө,  Д.Төмөрхүлэг, Израйлийн Голан Поллак нар хүрэл медаль хүртсэн юм.

Харин 73 кг-ийн жинд  С.Ням-Очир алт,  Х.Цагаанбаатар мөнгө,  АНЭУ-ын Виктор Скортов, БНСУ-ын Ким Жү Жинь нар хүрэл медалийн эзэд болов.

Түүнчлэн эмэгтэйчүүдээс 48 кг-д  М.Уранцэцэг алт,  Г.Отгонцэцэг мөнгө,  БНСУ-ын И Сэ Ён, М.Долгоржав нар хүрэл,  мөн 52 кг-д  БНСУ-ын Сү Да Пак алт,  А.Цолмон мөнгө,  Б.Бат-Эрдэнэ, Ч.Аззаяа нар хүрэл медалийн эзэд болжээ. 57 кг  Д.Сумьяа алт, БНСУ-ын Ким Жин Ди мөнгө, А.Батзул, Б.Нарантуяа нар хүрлийн эзэн болов.

Тэгвэл 63 кг-д  Т.Цэрэннадмид алт,  БНСУ-ын Юү Жин Ён мөнгө,  Б.Мөнгөнчимэг, АНУ-ын Мартин Ханна хүрэл авлаа.   Хоёр дахь өдрийн тэмцээний үр дүнг танилцуулахад,

Эрэгтэй:
81 кг:
Алт: АНЭУ-ын Сергей Тома
Мөнгө: О.Ууганбаатар
Хүрэл: БНСУ-ын И Хуй Жун, Чехийн Мушиль Яромир
90 кг
Алт: ОХУ-ын Александер Григорев
Мөнгө: Украйны Виталый Ковтунов
Хүрэл: Казахстаны Ринат Иврагимов, Л.Отгонбаатар
-100 кг
Алт: Чехийн Михаль Хорак
Мөнгө: Хятадын Гэдэлэфү Вү
Хүрэл: БНСУ-ын Ким Кён Тэ, Израйлийн Ор Сассон
+100 кг
Алт: БНСУ-ын Ким Су Вон
Мөнгө: Японы Риота Уесуги
Хүрэл: Б.Сугаржаргал, Ө.Дүүрэнбаяр

Эмэгтэй
70 кг
Алт: БНСУ-ын Ким Сеон Ён
Мөнгө: Ц.Наранжаргал
Хүрэл: Японы Ёко Оно, Швейцарийн Жулиане Робра
-78 кг
Алт: Б.Мөнхтуяа
Мөнгө: Японы Мисаки Хидаки
Хүрэл: БНСУ-ын Жун Да Вон, Т.Баасанжав
+78 кг
Алт: БНСУ-ын Ким На Юн
Мөнгө: О.Жавзмаа
Хүрэл: Венесуэлийн Жиованна Бланко, Японы Сузуки Ичихаши