Тархины хорт хавдрын өвчнөөр Солонгос улсад эмчлүүлж буй дөрвөн настай Б.Танан охинд туслах хандивын аяны хүрээнд Олимпийн аварга Н.Түвшинбаяр, жүдо бөхийн дэлхийн аварга Х.Цагаанбаатар нар өөрсдийн кимоногоо твиттер, фэйсбүүкээр дуудлага худалдаанд оруулсан билээ. Дуудлага худалдаа өнөө өглөө дуусч Н.Түвшинбаяр аваргын кимоног 5 сая 650 мянган төгрөгөөр твиттерчин Я.Пүрэвсүрэн гэх залуу авсан бол дэлхийн аварга Х.Цагаанбаатарын кимоног 3 сая 100 мянган төгрөгөөр “Буян нэмэх” сангийн тэргүүн Ж.Алтансайхан авчээ.
Н.Түвшинбаяр, Х.Цагаанбаатар нар дөнгөж сая спортын төв ордонд дуудлага худалдаанд ялсан хүмүүст кимоногоо гардуулж өглөө. Мөн дуудлага худалдаанаас олсон мөнгөө Б.Танан охины аавд гардуулан өгсөн юм. Жүдогийн өмсгөл нь спортын үнэт хэрэглэл гэж нэрлэгддэг бөгөөд нэртэй, цуутай, алдартай хүмүүсийн кимоно олон жилийн дараа маш их үнэд хүрдэг байна. Тус дуудлага худалдаанд оруулсан. Х.Цагаанбаатарын кимоно нь Солонгос улсад захиалж хийлгүүлсэн ганц хувь байдаг өмсгөл аж. Х.Цагаанбаатар тус кимоногоо дэлхийн аваргын тэмцээнд өмсөж байжээ.
Олимп, дэлхийн аваргууд дуудлага худалдаанд оруулсан кимоно дээрээ өөрсдийн гарын үсгийн зурж, фото зургийн хамтаар эздэд нь гардуулан өгсөн юм.
Олимпийн аварга Н.Түвшинбаяр: Цаашдаа ийм ажил олныг зохион байгуулна
- Б.Танан охины тухай анх хаанаас олж мэдсэн бэ?
- Твиттерээс мэдсэн. Тэгээд л жүдо бөхийн холбооныхон ярьж байгаад туслахаар шийдсэн. Энэ үйл ажиллагааг дэмжсэн хүмүүстээ баярлалаа. Кимоно авсан хоёр залуудаа маш их баярлаж байгаагаа хэлье. Бид бүхэн өнөөдөр бие биенээ хайрлаж, дэмжих ёстой. Сайн сайхан явж байгаа нь зовж, зүдэрч яваа нэгэндээ туслах ёстой. Үр хүүхэд бол бидний ирээдүй. Бид монголынхоо ирээдүйг хайрлахгүй юм бол өөр хэн хайрлах билээ. Чадах чинээгээрээ бид туслах ёстой. Цаашдаа олон ийм ажлыг зохион байгуулна. Олны танил хүмүүс нь бусдыгаа уриалаад ийм үйл ажиллагааг явуулбал хэрэгтэй юм болов уу гэж бодсон Бага ч болтугай дэмийг манай жүдо бөхийн холбооноос өгсөндөө баяртай байна. Хүмүүсийг Б.Танан охинд туслахийг уриалсан үйл ажиллагааг минь дэмжсэн та бүхэндээ баярлалаа.
- Та энэ кимоного хэдэн жил өмссөн бэ? Таньд ямар ялалт авчирсан кимоно вэ?
- Анх 2010, 2011 оны дэлхийн аваргын тэмцээнд өмсөж оролцсон. Мөн бусад бүх тэмцээнд өмсөж байсан. Олимпийн бэлтгэлд өмсөж байсан. Олимпийн дэвжээн дээр өмсөөгүй. Учир нь нэртэй, эмблемптэй кимоног олимпийн тэмцээнд өмсүүлдэггүй.
- Х.Цагаанбаатар та хоёрын хэн нь анх энэ санаачлагыг гаргасан бэ?
- Нэг өглөөний бэлтгэл дээр хамтдаа ярилцаж байгаад л шийдсэн.
Б.Танан охины аав: Охины биеийн байдал сайжирч байна
- Охины тань биеийн байдал ямар байна вэ?
- Охины маань биеийн байдал ерөнхийдөө сайжирч байгаа. Арванхоёрдугаар сар хүртэл үргэлжилнэ. Эс шилжүүлэн суулгах эмчилгээндээ орчихсон байгаа. Тусалж дэмжсэн хоёр аваргадаа маш их баярлалаа гэж хэлмээр байна. Кимоно худалдаж авсан хүмүүстээ маш их баярлалаа гэж хэлмээр байна.
- Одоо охины эмчилгээнд хэдэн төгрөг шаардлагатай байна вэ?
- Охины эмчилгээний зардал хараахан бүрдээгүй байна. Гэхдээ болох л байх гэж бодож байна. Олны хүчээр болно гэдэгт итгэлтэй байна.
“Буян нэмэх” сангийн тэргүүн Ж.Алтансайхан:
- Буян үйл ажиллагаа гэдэг нь надад их нөлөөлсөн. Хүмүүс Н.Түвшинбаяр аваргын кимоног их сонирхож байсан. Би бусдадаа боломж олгохоор Н.Түвшинбаяр аваргын кимоног 4 сая төгрөг хүртэл дуудаад больсон. Өрсөлдөөн их ширүүн болох байх гэсэн хүлээлт байсан. Харин тэгсэнгүй. Зун болоод хүмүүс амраад хөдөө гадаа явсан нь нөлөөлсөн байх. Би өөрөө аваргуудаа хүндэлдэг учраас кимоног нь авлаа.
Олимп, дэлхийн аваргууд дуудлага худалдаанд оруулсан кимоно дээрээ өөрсдийн гарын үсгийн зурж, фото зургийн хамтаар эздэд нь гардуулан өгсөн юм.
Олимпийн аварга Н.Түвшинбаяр: Цаашдаа ийм ажил олныг зохион байгуулна - Б.Танан охины тухай анх хаанаас олж мэдсэн бэ?
- Твиттерээс мэдсэн. Тэгээд л жүдо бөхийн холбооныхон ярьж байгаад туслахаар шийдсэн. Энэ үйл ажиллагааг дэмжсэн хүмүүстээ баярлалаа. Кимоно авсан хоёр залуудаа маш их баярлаж байгаагаа хэлье. Бид бүхэн өнөөдөр бие биенээ хайрлаж, дэмжих ёстой. Сайн сайхан явж байгаа нь зовж, зүдэрч яваа нэгэндээ туслах ёстой. Үр хүүхэд бол бидний ирээдүй. Бид монголынхоо ирээдүйг хайрлахгүй юм бол өөр хэн хайрлах билээ. Чадах чинээгээрээ бид туслах ёстой. Цаашдаа олон ийм ажлыг зохион байгуулна. Олны танил хүмүүс нь бусдыгаа уриалаад ийм үйл ажиллагааг явуулбал хэрэгтэй юм болов уу гэж бодсон Бага ч болтугай дэмийг манай жүдо бөхийн холбооноос өгсөндөө баяртай байна. Хүмүүсийг Б.Танан охинд туслахийг уриалсан үйл ажиллагааг минь дэмжсэн та бүхэндээ баярлалаа.
- Та энэ кимоного хэдэн жил өмссөн бэ? Таньд ямар ялалт авчирсан кимоно вэ?
- Анх 2010, 2011 оны дэлхийн аваргын тэмцээнд өмсөж оролцсон. Мөн бусад бүх тэмцээнд өмсөж байсан. Олимпийн бэлтгэлд өмсөж байсан. Олимпийн дэвжээн дээр өмсөөгүй. Учир нь нэртэй, эмблемптэй кимоног олимпийн тэмцээнд өмсүүлдэггүй.
- Х.Цагаанбаатар та хоёрын хэн нь анх энэ санаачлагыг гаргасан бэ?
- Нэг өглөөний бэлтгэл дээр хамтдаа ярилцаж байгаад л шийдсэн.
Б.Танан охины аав: Охины биеийн байдал сайжирч байна - Охины тань биеийн байдал ямар байна вэ?
- Охины маань биеийн байдал ерөнхийдөө сайжирч байгаа. Арванхоёрдугаар сар хүртэл үргэлжилнэ. Эс шилжүүлэн суулгах эмчилгээндээ орчихсон байгаа. Тусалж дэмжсэн хоёр аваргадаа маш их баярлалаа гэж хэлмээр байна. Кимоно худалдаж авсан хүмүүстээ маш их баярлалаа гэж хэлмээр байна.
- Одоо охины эмчилгээнд хэдэн төгрөг шаардлагатай байна вэ?
- Охины эмчилгээний зардал хараахан бүрдээгүй байна. Гэхдээ болох л байх гэж бодож байна. Олны хүчээр болно гэдэгт итгэлтэй байна.
“Буян нэмэх” сангийн тэргүүн Ж.Алтансайхан:
- Буян үйл ажиллагаа гэдэг нь надад их нөлөөлсөн. Хүмүүс Н.Түвшинбаяр аваргын кимоног их сонирхож байсан. Би бусдадаа боломж олгохоор Н.Түвшинбаяр аваргын кимоног 4 сая төгрөг хүртэл дуудаад больсон. Өрсөлдөөн их ширүүн болох байх гэсэн хүлээлт байсан. Харин тэгсэнгүй. Зун болоод хүмүүс амраад хөдөө гадаа явсан нь нөлөөлсөн байх. Би өөрөө аваргуудаа хүндэлдэг учраас кимоног нь авлаа.
Т.Энхэлээ
Сэтгэгдэл (3)